Emaniuel Makron. Fota: AP Photo/Christophe Ena, Pool
Emanuel Makron pa-raniejšamu vykazvaje nadzieju, što «alimpijskaje pieramirje» moža być zaklučana padčas Alimpijskich hulniaŭ u Paryžy (projduć z 26 lipienia pa 11 žniŭnia), u toj čas jak vajna pamiž Rasijaj i Ukrainaj, z adnaho boku, i Izrailem i CHAMAS — z druhoha, praciahvajecca.
«My chočam pracavać nad alimpijskim pieramirjem, i ja dumaju, što heta mahčymaść, ź jakoj ja taksama pasprabuju pryciahnuć mnohich našych partnioraŭ», — skazaŭ jon BFMTV.
Emaniuel Makron zajaviŭ, što źvierniecca pa dapamohu da kiraŭnika Kitaja Si Czińpina, jaki naviedaje Paryž ź vizitam praź niekalki tydniaŭ. Prezident Francuzskaj Respubliki, u pryvatnaści, nahadaŭ, što jaho kitajskamu kalehu pryjšłosia «prarabić tuju ž pracu» ŭ 2022 hodzie z nahody zimovych Alimpijskich hulniaŭ. Poŭnamaštabnaje ŭvarvańnie va Ukrainu adbyłosia na čaćvierty dzień paśla skančeńnia Alimpijady.
Emaniuel Makron miarkuje, što Alimpijskija Hulni 2024 hoda pavinny stać «momantam dypłamatyčnaha miru».
«Heta taksama toje, što alimpizm, z dypłamatyčnaha punktu hledžańnia, daje mnohaje», — dadaŭ jon.
Makron taksama adznačyŭ, što rasijskija i biełaruskija spartsmieny vystupiać pad niejtralnym ściaham.
Sa svajho boku, Mižnarodny alimpijski kamitet (MAK) taksama daŭ zrazumieć u śniežni minułaha hoda, što rasijskija i biełaruskija spartoŭcy zmohuć uziać udzieł u spabornictvach tolki ŭ tym vypadku, kali jany nie buduć aktyŭna padtrymlivać rasijskaje ŭvarvańnie va Ukrainu.
Čytajcie taksama:
Hałoŭnakamandujučy USU raskazaŭ, dzie rasijanie pasprabujuć prarvać front najbližejšym časam
Ukrainskaje kamandavańnie paviedamiła pra paharšeńnie situacyi na froncie na ŭschodzie krainy
Hałoŭnakamandujučy USU pra «mabilizacyju 500 tysiač»: Paśla aŭdytu hetaja ličba istotna źmienšanaja
