Mikita Tałapiła. Fota: th-kanał hockey.by
Asnoŭny hałkipier «Kenaks» Tetčar Dziemka atrymaŭ traŭmu i nie zhulaje ŭ najbližejšych matčach Kubka Stenli. Siońnia nočču ŭ varotach «Vankuviera» suprać «Nešviła» stajaŭ Kiejsi DeŚmit, i kłub prajhraŭ 1:4. Lik u sieryi staŭ 1:1.
Taksama atrymaŭ u «Vankuviera» traŭmu hałkipier Takier Pułman. U zachodniekanadskaha kłuba ŭ rostary jość taksama varatar zbornaj Łatvii, adzin z hierojaŭ minułaha čempijanatu śvietu Artur Šyłaŭs.
Ci atrymaje Tałapiła šaniec debiutavać u NCHŁ, dy jašče adrazu ŭ raundzie plej-of, daviedajemsia ŭ najbližejšy čas. Nastupny matč «Vankuvier» praviadzie ŭ noč na subotu ŭ Nešvile.
Kali Mikita debiutuje, to stanie 16-m biełarusam u NCHŁ z 1991 hoda i pieršym bramnikam u najmacniejšaj chakiejnaj lizie śvietu.
U ACHŁ Mikita Tałapiła adyhraŭ za «Abadsfard» 35 matčaŭ, atrymaŭ 20 pieramoh pry kaeficyjencie nadziejnaści 2,83 i 90,5% adbitych kidkoŭ.
Čytajcie taksama:
Jahor Šaranhovič pabiŭ biełaruski rekord u NCHŁ
Stała viadoma, kali ŭ Minsku projdzie raźvitańnie z Kanstancinam Kalcovym