Fota: instahram Hanny Šapialevič
Hanna Šapialevič vučyłasia ŭ Varšavie, paśla hetaha naviedała Kitaj, kab adpačyć. Čatyry miesiacy tamu Hanna prylacieła na Bali ź blizkaj siabroŭkaj, znajšła pracu ryełtarkaj i vyrašyła zastacca na vostravie. Dla žyćcia biełaruska vybrała napaŭviaskovy rajon Čanhu, papularny siarod ekspataŭ.
Fota: instahram Hanny Šapialevič
Fota: instahram Hanny Šapialevič
Siabroŭka Hanny raspaviała «Našaj Nivie» abstaviny zdareńnia. Pavodle jaje słoŭ, rankam 25 krasavika Hanna vyjechała na skutary Yamaha N-Max u mihracyjnuju słužbu, kab padoŭžyć vizu. Na kamierach videanazirańnia vidać, što padčas jaje ruchu sprava ad skutara dziaŭčyny źjaviŭsia aŭtobus.
Hanna jechała na nievialikaj chutkaści, była ŭ šlemie. U horadzie Denpasar, kala miascovaj pratestanckaj carkvy, aŭtobus vyrašyŭ jaje pierahnać i začapiŭ skutar. Dziaŭčyna apynułasia pad kołami. Ad udaru šlem adlacieŭ, i jana atrymała ciažkuju čerapna-mazhavuju traŭmu, z-za jakoj pamierła na miescy zdareńnia.
Palicyja pakul jašče rasśleduje zdareńnie. Jak kaža siabroŭka Hanny, u trahiedyi vinavaty, chutčej za ŭsio, kiroŭca aŭtobusa.
Ciapier blizkija Hanny žadajuć pieravieźci cieła biełaruski na radzimu. Dla hetaha jany abviaścili zbor hrošaŭ, paŭdzielničać u im možna tut.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
«Dzień maŭčańnia, žyllo ŭ hiestchausie». Jak miedyk ź Viciebska stvaryŭ na Bali anałah 103.by
