U Iviancy prajšoŭ raptoŭna arhanizavany praŭładnym SPB schod Sajuza palakaŭ, na jakim mierkavałasia abrać novaje kiraŭnictva Domu Polskaha. S.Siamaška paciarpieŭ parazu – jaho navat nie puścili ŭ budynak.
Taresa Sobal.
Dom polski ŭ Iviency.
Padtrymać Taresu Sobal pryjechaŭ kiraŭnik konsulskaha adździełu polskaj ambasady ŭ Minsku Marcin Marcinak.
U zału nie byŭ dapuščany kiraŭnik łukašenkaŭskaha Sajuza palakaŭ Stanisłaŭ Siamaška i zdymačnaja hrupa BT.
Anžalika Borys.
U zali nie było jabłyku dzie ŭpaści.
Vystupaje Borys.
Anžalika Borys i Taresa Sobal.
Nie žucim ziemi, skond naš rud...
Taresa Sobal.
Schodu papiaredničaŭ psichałahičny nacisk na raniejšaje kiraŭnictva i tych siabroŭ SPB, jakija vyrašyli padtrymać Taresu Sobal. Suprać Sobal raspačali kryminalnuju spravu: maŭlaŭ, nie spłaciła padatkaŭ z materyjalnaj dapamohi, jakuju atrymaŭ adździeł SPB. Napiaredadni miascovaja rajonka nadrukavała na pieršaj pałasie infarmacyju ab vyklučeńni spadaryni Sobal z Sajuza palakaŭ S.Siamaški, a ŭvieś Ivianiec byŭ zalepleny abviestkami ab chutkich vybarach novaha kiraŭnictva. U adkaz padtrymać T.Sobal pryjechali siabry arhanizacyi z samych roznych rehijonaŭ.
«My pryjechali abaraniać Dom Polski. Praŭładny Sajuz palakaŭ rychtuje jaho zachop i my sabralisia, kab abaranić miascovych palakaŭ. My pryjechali ź Minska, z Hrodna. Adusiul»– raskazaŭ «NN» siabra niepryznanaha ŭładami SPB Jaŭhien z Hrodna.
Haściej było nasamreč bahata. Niahledziačy na toje, što 46 čałaviek byli zatrymanyja DAI pa darozie ŭ Ivianiec na vartych śmiechu padstavach. Maŭlaŭ, treba razabracca, ci jany nie datyčnyja da kradziažoŭ na dačach pierad Novym hodam. Ujezd u miastečka nahadvaŭ błokpost – adrazu niekalki mašyn DAI praviarali transpart na padjezdach da Ivianca.
U budynak Domu Polskaha puskali ŭsich achvotnych. Admovili tolki zdymačnaj hrupie BT, jakaja nie asabliva nastojvała i paŭtorna źjaviłasia tolki kali la ŭvachodu ŭ budynak pakazaŭsia S.Siamaška. Jakomu adrazu było zajaŭlena nastupnaje – «Pan źjaŭlajecca piersonaj non-hrata na terytoryi Domu Polskaha». Spadar Siamaška sprabavaŭ zaprasić prysutnych u Dom Kultury, dzie ŭžo pačynaŭsia vystup ansambla «Biasieda» (a adnačasova i vybary praŭładnaha staršyni Domu Polskaha), adnak zakliki tyja nichto nie słuchaŭ. Cikava, što S.Siamaška, pačaŭ ahitavać za «našu biełaruskuju movu», kali jaho papraknuli ŭ niaviedańni polskaj. Napeŭna, mienavita toje i było patrebna BT.
«Biez nakładak prajšło?» – zapytaŭ S.Siamaška ŭ supravadžajučaha jaho maładziona, kali adyšoŭ na paru dziesiatkaŭ mietraŭ ad natoŭpu.
A schod prajšoŭ uźniosła. Udzieł u vybarach staršyni Domu Polskaha prymali tolki iviančanie, jakich sabrałasia 157 čałaviek – bolšaja častka miascovaj polskaj hramady. Słova davali ŭsim achvotnym, z čaho nie praminuli skarystacca i prychilniki aficyjnaha Sajuza palakaŭ. Krytyku pierapoŭnienaja zała sustrakała apładysmientami. Adnak dobrych słovaŭ u adras staršyni – Taresy Sobal – było značna bolš. U vyniku, za jaje pieraabrańnie prahałasavali amal adzinahałosna.
«SPB u Iviancy baronić siabie. Niahledziačy na represii, niahledziačy na ciažkuju situacyju», – prakamientavała «NN» vyniki schodu staršynia niepryznanaha ŭładami Biełarusi Sajuzu palakaŭ Anžalika Borys.
Praz 15 chvilin paśla skančeńnia mierapryjemstva ŭ ivianieckim Domie Polskim źnikła elektryčnaść. Nibyta dajučy zrazumieć, što sistema taksama jašče nie zdajecca.
