Fota: ahienctva «Sińchua»
Usiaho pad zavałami znajšli 20 mašyn, u balnicach zaraz znachodziacca 30 čałaviek, ich žyćciam ničoha nie pahražaje.
Adznačajecca, što aŭtamahistral abrynułasia z-za mocnych apadkaŭ u pravincyi Huandun.
Incydent adbyŭsia prykładna ŭ 02.10 na trasie, jakaja złučaje pravincyi Huandun i Fucziań. Abrynuŭsia ŭčastak praciahłaściu kala 18 mietraŭ, płošča abvalvańnia skłała prykładna 185 kvadratnych mietraŭ. Darohu zakryli, tam pracujuć supracoŭniki ekstrannych słužbaŭ.
Mocnyja apadki nie źjaŭlajucca redkaściu dla pravincyi Huandun, ale ciapier jany niezvyčajna mocnyja. Mnohija ručai ŭ delcie raki Žamčužnaj niebiaśpiečna raźlilisia. Paviedamleńni pra pavodki pastupajuć taksama z haradoŭ i viosak na poŭnač i poŭdzień ad horada Huančžoŭ.
Apoŭźni ličacca asabliva niebiaśpiečnymi ŭ hornych rajonach Kitaja padčas mocnych daždžoŭ. U kancy studzienia bolš za 30 čałaviek zahinuli ŭ vyniku mocnaha apoŭźnia ŭ adnoj ź viosak na paŭdniovym zachadzie krainy.
Štohod u Kitai ŭ vyniku ŭrahanaŭ, pavodak i inšych stychijnych biedstvaŭ hinie pa niekalki sotniaŭ čałaviek.
Čytajcie taksama:
U Łatvii siońnia zafiksavali ziemlatrus
Na Tajvani adbyŭsia samy mahutny za 25 hadoŭ ziemlatrus
Na Smalenščynie pavaliŭsia most, zabłakavany ruch ciahnikoŭ ź Biełarusi
