Śviatłana Cichanoŭskaja z partretam muža. Fota: OSC
«Ja ŭpeŭniena, što Siarhieja sprabujuć zapeŭnić, što pra jaho ŭsie zabylisia, što nie varta było navat leźci», — kaža jana.
Lidarka demakratyčnych siłaŭ Biełarusi Śviatłana Cichanoŭskaja apisvaje ŭmovy, u jakich znachodzicca ŭ žodzinskaj turmie ŭ adzinočnaj kamiery jaje muž Siarhiej Cichanoŭski (navin ad jaho daŭno niama, tamu Śviatłana hruntujecca na źviestkach, jakija dachodzili raniej, pakul suviaź nie była stračana):
«Siarhiej znachodzicca ŭ źniavoleńni bolš za try hady. I ŭvieś hety čas jon u adzinočnaj kamiery… Bolš za hod nie prymajuć hrošy Siarhieju, i ja nia viedaju navat, ci jość u jaho zubnaja pasta, tualetnaja papiera, dzie jon heta biare. Ale ž ludziej, jak Siarhiej, tysiačy ŭ turmach. I kožny čałaviek — heta bol u sercy», — adznačaje Śviatłana Cichanoŭskaja.
Siarhieja Cichanoŭskaha zatrymali ŭ vyniku pravakacyi padčas pieradvybarčaha pikieta ŭ Hrodnie 29 maja 2020 hoda i praz paŭtara hoda asudzili na 18 hadoŭ źniavoleńnia. Potym dadali jašče hod.
U lipieni 2023 hoda paśla taho jak pajšli čutki pra jaho śmierć siłaviki apublikavali videa z kamiery z dataj 5 lipienia 2023 hoda, dzie Cichanoŭski robić fizičnyja praktykavańni i potym jeść.
Čytajcie taksama:
Cichanoŭskaja: My dahetul nie viedajem, čaho choča režym, palitviaźni dla jaho ciapier nie prablema
