Fota: Puł 4 Rehijon
Na dachu Hrodzienskaha dramteatra 9 maja ŭstanavili kopiju Ściaha Pieramohi.
Uźniaŭ ściah nad budynkam pamočnik Łukašenki, eks-ministr unutranych spraŭ Juryj Karajeŭ. Jon raspavioŭ, što tradycyju ŭstaloŭvać ściah nad teatram uvioŭ dyrektar Ihar Hiedzič.
Karajeŭ raspavioŭ, jak savieckim sałdatam u 1945 hodzie ŭdałosia prarvacca ŭ «centr pryniaćcia rašeńniaŭ» u Bierlinie i vyviesić ściah nad Rejchstaham, paviedamlaje «Puł 4 rehijon».
Fota: Puł 4 Rehijon
«Na ściahu pakazanaja dyvizija, korpus i treciaja ŭdarnaja armija, u składzie jakoj vajavali hetyja ludzi, jakim vypała ciažkaje vyprabavańnie i adnačasova honar šturmavać Bierlin ź inšymi złučeńniami i abjadnańniami Čyrvonaj Armii, Uvajści, jak ciapier kažuć, u centr pryniaćcia rašeńniaŭ, u łohava fašysckaha źviera, u Rejchstah i padniać nad hałoŭnaj kropkaj Bierlina, a takim čynam i ŭsiaho tahačasnaha nacyzmu, Ściah Pieramohi», — zajaviŭ Karajeŭ.
Repliku Ściaha Pieramohi stvaryli ŭ Hrodzienskim dramteatry dva hady tamu. Na jaje vyrab patracili siem dzion.