Uładzimir Zialenski zajaviŭ, što rasijskaja armija ranicaj 10 maja pačała novuju chvalu nastupalnych dziejańniaŭ na charkaŭskim kirunku.
Pa słovach prezidenta Ukrainy, USU sustreli niepryjaciela vojskami, bryhadami i artyleryjaj.
«Važna, što jany mohuć pavialičvać i padciahvać jašče siły na hetym kirunku i heta fakt, ale našy vajskoŭcy, vajennaje kamandavańnie viedali pra heta i raźličvali svaje siły dla taho, kab sustreć ahniom voraha. Ciapier idzie žorstkaja bitva na hetym kirunku», — cytuje Zialenskaha UNIAN.
Ukrainski lidar adznačyŭ, što USU ŭ siem-vosiem hadzin ranicy sustreli rasijskaje vojska artyleryjskim ahniom. Zialenski raspavioŭ, što na niekatory čas abaroncam Ukrainy ŭdałosia spynić voraha.
Minabarony Ukrainy i ŭłady Charkaŭskaj vobłaści raniej paćvierdzili, što rasiejskaje vojska sprabuje adcisnuć USU ad miažy. Pa słovach čynoŭnikaŭ, ukraincy trymajuć pazicyi.
Čytajcie taksama:
Rasija sprabuje nastupać na Charkaŭ. Havorycca ab intensiŭnych bajach
Minabarony Ukrainy paćvierdziła sproby Rasii prarvać liniju abarony na poŭnačy Charkaŭskaj vobłaści
Rasija moža nieŭzabavie pačać nastup na Vałčansk, što za 70 km ad Charkava
