Vienhierski časopis «Nagyvilág» svoj śniežański numar pryśviaciŭ biełaruskaj litaratury.
«Ściana» Vasila Bykava, «Blacha» Andreja Fiedarenki, «Adam Kłakocki i jahonyja cieni» Ihara Babkova, vieršy Maksima Bahdanoviča, Niła Hileviča, Ryhora Baradulina prezientujuć ajčynnuju litaraturu.
Va ŭstupie da biełaruskaha numara pierakładčyk Paŭfałvi Łajoš napisaŭ, što ŭ savieckija časy pierakłady biełaruskaj litaratury źjaŭlalisia «ŭ takich vydańniach, jakija ŭ realnaści navat nie traplali ŭ śviet litaraturnaha kantaktaŭ». Tamu naša litaratura i nie stała viadomaj. Na dumku vienhra, adno vyklučeńnie, praŭda, było. «Vasil Bykaŭ staŭ viadomym piśmieńnikam, hałoŭnaj temaj tvoraŭ jakoha była vajna. Va ŭsialakim razie Bykaŭ chacia b niejak terytaryjalna vyznačyŭ krainu, choć i nie na kulturnaj mapie Jeŭropy, a na darozie bitvaŭ Bierlin-Maskva».
«U apošnija hady ŭ roznych vienhierskich vydańniach źjavilisia cikavyja biełaruskija materyjały.
Ale heta pieršaja biełaruskaja nizka, jakaja pakazvaje sučasnuju biełaruskuju litaraturu z roznych bakoŭ, kab narešcie skončyłasia jaje dvaccacihadovaja adsutnaść u Vienhryi»,
— padsumoŭvaje Paŭfałvi Łajoš.
Pahladzieć poŭny źmiest «Nagyvilág» možna tut.
