U studzieni niedabor padatkovych dachodaŭ u biudžet krainy skłaŭ 200 młrd. rubloŭ. Pra heta zajaviŭ ministr finansaŭ Andrej Charkaviec 4 lutaha ŭ Minsku na pasiadžeńni kalehii Minfina.
«U postkryzisny pieryjad napružanaść u ekanomicy i finansach dziaržavy zachoŭvajecca», — zajaviŭ jon.
Jak miarkuje ministr, pra heta śviedčać vyniki studzienia 2010 hoda. U respublikanski biudžet biez uliku dachodaŭ fondaŭ pastupiła 2 trłn. rubloŭ, što adpaviadaje ŭzroŭniu krasavika minułaha hoda.
«U paraŭnańni z płanavaj dynamikaj dachodaŭ biudžet užo niedabiraje kala 200 młrd. rubloŭ.
Pravalenyja pastupleńni pa PDV, akcyzach, padatkovych dachodach ad źniešnieekanamičnaj dziejnaści, — kanstatavaŭ kiraŭnik Minfina.
— Kali pa źniešnieekanamičnaj dziejnaści jašče možna znajści tłumačeńnie, to vyniki pa PDV i akcyzach — śledstva niedastatkovych tempaŭ rostu ŭ ekanomicy».
Pavodle słovaŭ Charkaŭca, heta źjaŭlajecca «tryvožnym sihnałam» pa ŭsich uzroŭniach biudžetnaj sistemy.
«Siońnia pavinien być praviedzieny analiz farmiravańnia padatkovaj bazy z acenkami, dzie my adstajem i prapanovami pa vypraŭleńni situacyi», — padkreśliŭ Charkaviec.