Futbolny siezon‑2010 u Biełarusi pačniecca 8 sakavika matčam za supierkubak pamiž barysaŭskim BATE i navapołackim «Naftanam» i zavieršycca 20 listapada.
Takoje rašeńnie pryniaŭ 4 lutaha vykankam Biełaruskaj fiederacyi futboła.
Čempijanat u vyšejšaj lizie
startuje 3 krasavika i ŭpieršyniu projdzie ŭ try kruhi (33 tury) z udziełam 12 kamandaŭ.
«Kalandar nosić maksimalna zbałansavany charaktar», — zajaviŭ načalnik upraŭleńnia pa praviadzieńni spabornictvaŭ Alaksandr Baranaŭ.
U suviazi z pavieličeńniem kolkaści turaŭ čempijanatu 1/8 finału Kubka Biełarusi budzie składacca z adnaho matču. Z pryčyny hetaha zajavačny ŭniosak dla kamand vyšejšaj lihi składzie 110 młn. rubloŭ suprać 89 młn. rubloŭ na siezon‑2009.
Kamandy pieršaj lihi pavinny ŭnieści pa 43,5 młn. (było 41,8 młn.), druhoj lihi — pa 28,7 młn. (28,5 młn.).
Na asobnyja hulni čempijanatu pa rašeńni vykankama buduć zaprašacca zamiežnyja arbitry.
Pavodle rašeńnia vykankama čarhovaja spravazdačnaja kanfierencyja fiederacyi projdzie 20 sakavika.
