U Internecie pracuje Nacyjanalny ličbavy archiŭ Polščy. Jon choć i polski, ale źmiaščaje šmat infarmacyi, jakaja tyčycca Biełarusi. U pieršuju čarhu pieryjadu 1918-1939 hadoŭ.
U archivie znachodzicca bolš za 100 tysiač fotazdymkaŭ i kala 15 tysiač aŭdyjozapisaŭ.
Sajt karysny, ale prablema moža ŭźniknuć z movaj. Kab adšukać patrebny zdymak ci zapis, treba viedać, jak pa-polsku pišacca proźvišča albo hieahrafičnaja nazva. Tak, tut raźmieščany foty Symona Rak-Michajłoŭskaha i inšych dziejačaŭ Kamunistyčnaj partyi Zachodniaj Biełarusi. Jość zdymki akupavanaha niamieckimi vojskami Minska, ruiny ŭžo vyzvalenaj ad voraha biełaruskaj stalicy.
Kali dla navukoŭcaŭ hetyja foty mo i znajomyja, to dla bolš šyrokaha koła amataraŭ historyi — naŭrad ci. Tamu taki resurs dapamoža ŭsim žadajučym pahłybicca ŭ vyvučeńnie rodnaha kraju.
Opierny teatr u Minsku, 1942
Dom uradu ŭ Minsku, vyhlad 1943-ha
Minskaja brama ŭ Maładziečnie, 1918-1939
Pryjezd u Brest prezidenta Polščy Ihnacyja Maścickaha, 1928
Dom Elizy Ažeški ŭ Hrodnie, 1944
Demantaž pomnika Stalinu ŭ Hrodnie, 1944
