Tradycyjnuju akcyju na Dzień salidarnaści siońnia pravieści nie dali. Siarod 28 zatrymanych — fotakarespandentka NN Julija Daraškievič.
Zatrymlivajuć Mikołu Dziemidzienku. Fota Julii Daraškievič.
charter97.org
***
20:55
Julii Daraškievič adpuścili. Jak jana raskazała, ź jaje ŭziali tłumačeńnie. Pratakoła nie składali.
20:41
Vyjšaŭ jašče adzin zatrymany — Pavieł Prakapovič.
20:32
Vypuścili tym časam jašče adnaho zatrymanaha.
20:30
Vypuścili jašče adnaho zatrymanaha.
20:26
Da ludziej, što sabralisia la budynka RUUS vyjšaŭ niejki čałaviek u cyvilnymi skazaŭ z apłombam u hołasie, što kali adsiul nie razyducca, to nikoha nie vypuściać i naohuł — moža pačacca chapun.
20:09
Vypuścili hramadskaha aktyvista Paŭła Juchnieviča i dvuch dziaŭčat, jakija, praŭdapadobna, trapili siarod zatrymanych vypadkova. Usich adpuścili biez składańnia pratakoła. Julu Daraškievič pakul nie adpuskajuć. Nahadajem, što siońnia ŭsiaho zatrymali 28 čałaviek.
20:01
Vypuścili hramadskaha aktyvista Paŭła Juchnieviča i dvuch dziaŭčyn, jakija, praŭdapadobna, trapili siarod zatrymanych vypadkova. Usich adpuścili biez składańnia pratakołu. Julu Daraškievič pakul nie adpuskajuć.
19:50
Usiaho zatrymanych 28 čałaviek. Na hanku Centralnaha RUUS admaŭlajucca brać zajavu i puskać unutr. Na hanku staić major Michaił Kotaŭ i nie puskaje ni žurnalistaŭ, ni advakata, ni pradstaŭnikoŭ BAŽ u pamiaškańnie.
Jon ža admaŭlajecca paćvierdzić, ci zatrymanaja Julija Daraškievič.
18:30
Siem čałaviek viarnulisia na płošču, razharnuli bieł-čyrvona-bieły ściah i prynieśli z saboj raściažku «Za našu i vašu volnaść» u znak salidarnaści z Sajuzam palakaŭ.
Ich usich zabrali, siarod inšych zatrymany hramadski aktyvist Pavieł Juchnievič.
Ich taksama pahruzili ŭ aŭtobus i pavieźli ŭ RUUS.
18:21
Aŭtobus z zatrymanymi adjaždžaje, vidać, u Centralny RUUS (usiaho zatrymanyja siem čałaviek).
Troje maładafrontaŭcaŭ znachodziacca ŭ pastarunku ŭ pierachodzie mietro.
18:14
Zatrymana fotakarespandent NN Julija Daraškievič,
praparščyk Ihnaćjeŭ zabraŭ u jaje žurnalisckaje paśviedčańnie, a inšy čałaviek u cyvilnym (nie pradstaviŭsia) advioŭ jaje ŭ aŭtobus, zaznačyŭšy, što žurnalistka nibyta ŭdaryła jaho.
18:10
Kožnaha, chto imkniecca trapić na płoščy, ludzi ŭ cyvilnym zatrymlivajuć, nie dajučy patrapić na akcyju.
* * *
18:02
Na płoščy šmat ludziej u cyvilnym. Žurnalistam nie dajuć zdymać.
U dziaŭčat, što nabližalisia da płoščy, vyrvali bieł-čyrvona-bieły ściah.
Milicyja chodzić z ruparam pa płoščy i pramaŭlajuć, što z 23 lutaha budzie zabaroniena raśpićcio piva ŭ hramadskich miescach.
I ni tradycyjnaha słova pra «niesankcyjanavanuju akcyju».
Žurnalisty miarkujuć, što heta zroblena śpiecyjalna, kab zvyčajnyja minaki nie dumali, što tut adbyvajecca palityčnaja akcyja.
* * *
Čatyry hady kožny miesiac 16‑ha dnia prachodzić akcyja ŭ padtrymku palitviaźniaŭ i siemjaŭ źnikłych.
U roznych haradach Biełarusi i zamiežža ludzi vychodziać na vulicy sa ściahami i partretami, kab pryzvać biełaruskija ŭłady da spynieńnia represij i da palityčnych źmienaŭ u krainie. Akcyja «Salidarnaści» maje na mecie nahadać hramadstvu, što ŭ Biełarusi ŭsio jašče jość viaźni sumleńnia: heta vaŭkavyskija pradprymalniki Mikałaj Aŭtuchovič i Uładzimir Asipienka, a taksama aktyvist «Maładoha Frontu» Arciom Dubski.
Taksama ŭ Biełarusi pa‑raniejšamu amal nie rasśledujucca spravy ab źniknieńni ŭ 1999‑2000 hh apazicyjnych lideraŭ Viktara Hančara, Juryja Zacharanki, Anatola Krasoŭskaha i žurnalista Dźmitryja Zavadskaha.
