Partał rasijskaha Instytuta krain SND «Matierik»: «Biełaruskija ŭłady i ahałciełaja presa zmovilisia suprać staršyni «Russkoho doma».
Historyja viciebskaha čynoŭnika i staršyni supołki «Russkij dom» Andreja Hieraščanki atrymała praciah. Źjaviłasia infarmacyja, što aŭtar intervju partału «Matierik» moža być zvolnieny z pasady kiraŭnika adździeła pa spravach moładzi ŭ vykankamie. U Viciebskim harvykankamie NN skazali, što «taki čałaviek u nas pracuje i pra što jahonaje zvalnieńnie ničoha nie viedajem». Sam Hieraščanka nam raskazaŭ, što jaho «vyklikała da siabie kiraŭnictva i paraiła napisać zajavu ab zvalnieńni. Ale ja hetaha rabić nie staŭ, bo nie liču, što ja parušyŭ biełaruskaje zakanadaŭstva ni ŭ jakim vypadku».Andrej Hieraščanka kaža, što kali jon niešta parušyŭ, to na jaho treba padavać u sud. «Kali ž hetaha niama, to niama i pra što razmaŭlać. Pohlady mohuć być roznymi. Pra zachodnieruskuju kancepcyju nie adzin ja razvažaŭ. Navat prezident naš kazaŭ, što my ruskija «so znakom kačiestva». Darečy, hutarku z našym karespandentam Hieraščanka vioŭ na dobraj biełaruskaj movie. Jon zajaviŭ, što nikoli nie ličyŭ biełaruskuju dziaržavu i movu nieisnujučymi: «Tamu ja i razmaŭlaju z vami na hetaj movie. Ja tolki kazaŭ, što našyja try narody majuć adziny ruski korań i tamu jany vielmi blizkija adzin da adnaho. Ale ja nidzie i nikoli nie śćviardžaŭ, što my pavinny ŭvajści ŭ skład Rasii».
Jon paskardziŭsia na «napružańnie, jakoje zaraz uźnikaje, kali mianie sprabujuć tut z usich staron, nu, kab ja ledźvie nie źjechaŭ sa svajoj krainy».Pa słovach Hieraščanki, hutarka z kiraŭnictvam pra zvalnieńnie adbyłasia ŭ paniadziełak 15 lutaha (artykuł u NN byŭ apublikavany 10 lutaha, na internet-staroncy haziety — 12 lutaha).
Što budzie dalej, čynoŭnik nie viedaje.
Artykuł «Tak sumiaščajem» (u internet-viersii «Biełaruś mnie bačycca jašče adnoj rasijskaj dziaržavaj»), nadrukavany ŭ NN u №6, apaviadaŭ pra intervju načalnika adździeła pa spravach moładzi ŭ Viciebsku, a taksama staršyni hramadskaha abjadnańnia «Russkij dom» Andreja Hieraščanki partału rasijskaha Instytuta krain SND. U toj hutarcy čynoŭnik zajaviŭ siarod inšaha, što Biełaruś jamu bačycca jak jašče adna rasijskaja dziaržava, a biełaruskaja mova štučna stvorana.
Sam «Matierik» raźviŭ cełuju teoryju zmovy vakoł publikacyi ŭ NN. U artykule «Ochota na vied́m» v Vitiebskie ili litvinskoje mrakobiesije» za artykułam pastavili mahutnych łabistaŭ (majecca na ŭvazie kiraŭnik Tavarystva biełaruskaj movy Aleh Trusaŭ) i vysokich čynoŭnikaŭ — viadoma ž, tajamničaha Uładzimira Makieja.
«Čtoby najti otviet nieobchodimo prismotrieťsia k takoj suŝiestvujuŝiej strukturie kak Obŝiestvienno-konsultativnyj soviet (OKS) pri Administracii priezidienta RB, kotoryj vozhłavlajet hłava etoho viedomstva Vładimir Makiej, sčitajuŝijsia v litvinskich kruhach idiejno blizkim čiełoviekom. V etom śvietie vpołnie riezonnoj priedstavlajetsia mysl o tom, čto upomianutaja staťja v «Našaj Nivie» nosiła zakaznoj charaktier i była elemientom spłanirovannoj rusofobskoj akcii. Dieło v tom, čto v OKS pomimo ciełoho riada prozapadnych diejatielej vchodit i takoj otkroviennyj litvinskij mrakobies i nienavistnik vsieho russkoho kak priedsiedatiel t.n. «Tavarystva biełaruskaj movy» Oleh Trusov (jeho russkoje imia i rusificirovannaja familija (po-biełorusski «trus» — krolik) nie dołžny vvodiť v zabłuždienije).
Aŭtary hetaha «analizu» vyvodziać łancužok da łahičnaha zaviaršeńnia: «Vopijuŝij słučaj s Andriejem Hieraŝienko vo vsiej nieprihladnosťju vyjavił połnoje pierieroždienije nyniešniej biełorusskoj vierchuški v storonu rusofobii i idiejnoho kołłaboracionizma. I poetomu słova biełorusskoho priezidienta o jeho idiejnoj blizosti s Viktorom Juŝienko užie nie kažutsia kakoj-to ohovorkoj».
Adsočvać los Hieraščanki paabiacaŭ i biełaruski prarasiejski sajt «Impierija».
