38-hadovy artyst pamior u svajoj kvatery ŭ centry Maskvy. Dva-try dni jon nie vychodziŭ na suviaź, adzin ź siabroŭ ustryvožyŭsia, vysadzili dźviery — jon lažyć miortvy.
Pavodle viersii miedykaŭ, pryčynaj śmierci stała vostraja sardečna-sasudzistaja niedastatkovaść. Vyjaŭleny taksama mocny aciok unutranych orhanaŭ, u tym liku padstraŭnikavaj załozy. Viadoma, što Hałkin mocna vypivaŭ.
U minułym hodzie aktor atrymaŭ hod i dva miesiacy ŭmoŭna za stralaninu ŭ bary i bojku z supracoŭnikami milicyi.
Uładzisłaŭ Hałkin – syn rasijskaha aktora Barysa Hałkina. Zdymaŭsia ŭ mnohich filmach, ale słavu jamu prynieśli niekali kultavyja «Dalnabojščyki», dzie jon źniaŭsia razam ź biełaruskim aktoram Uładzimiram Haściuchinym. A debiutavaŭ jon u kino ŭ roli Hieklbiery Fina ŭ filmie «Pryhody Toma Sojera i Hieklbiery Fina» Stanisłava Havaruchina ŭ 1980 hodzie. Cikavaja jaho rol u filmie «U žniŭni 1944-ha» Michaiła Ptašuka.
0
0
0
0
0
0
