Naprykancy zimy vyznačylisia łaŭreaty adrazu dźviuch štohadovych litaraturnych premij. «Hliniany Viales» atrymaŭ prazaik Viktar Kaźkoza raman «Bunt niezapatrabavanaha prachu», vydadzieny ŭ sieryi kniharnia «Našaj Nivy».
Pa słovach inicyjatara ŭručeńnia premii paeta Alesia Arkuša, «sioleta vyrašalnym pry vyznačeńni łaŭreata stali krytyčnyja i litaraturaznaŭčyja artykuły aŭtarytetnych biełaruskich krytykaŭ i litaraturaznaŭcaŭ, pieradusim Michasia Tyčyny».
Pretendentami taksama byli «Centr Jeŭropy» Uładzimira Niaklajeva, «Ničyje» Andreja Fiedarenki i «Praŭdzivaja historyja Kacapa, Chachła i Bulbaša» Uładzisłava Achromienki i Maksima Klimkoviča i «Akno dla matylkoŭ» Michasia Skobły.
A «Załatuju litaru» za 2009 hod, jakuju ŭručaje piśmieńnik i vydaviec Adam Hłobus, atrymaje Andrej Fiedarenka za knihu «Ničyje».
Hłobus pravodziŭ admysłovuju apytanku na svaim internet‑dziońniku, jakaja i zaśviedčyła pieramohu Fiedarenki.
Siarod naminantaŭ taksama byli Siarhiej Kalenda «Pomnik atručanym ludziam», Ułasik Smarkač Siroška Pistončyk «jopyty», Arturas Šyłanskas «Zbornik chajku».
* * *
Śpis usich łaŭreataŭ «Hlinianaha Vialesa»
1993. Ihar Babkoŭ — kniha «Solus Rex» (paezija);
1994. Ludka Silnova — kniha «Rysasłovy» (paezija);
1995. Aleś Razanaŭ — kniha «Palavańnie ŭ rajskaj dalinie» (paezija);
1996. Słavamir Adamovič — kniha «Kachańnie pad akupacyjaj» (paezija);
1997. Lavon Vaško — kniha «Paety cary» (proza);
1998. Uładzimier Arłoŭ — kniha «Božaja karoŭka ź Piataj avieniu» (eseistyka);
1999. Mikoła Papieka — kniha «Čarnaviki…» (paezija);
2000. Siarhiej Astraviec — kniha «Cenzarskija nažnicy» (proza);
2001. Viktar Ślinko — kniha «Štolni viasny» (paezija);
2002. Alhierd Bacharevič — kniha «Praktyčny dapamožnik pa rujnavańni haradoŭ» (proza);
2003. Piatro Vasiučenka — kniha «Žyli byli pany Kublicki dy Zabłocki» (proza);
2004. Alena Brava — kniha «Kamiendancki čas dla łastavak» (proza);
2005. Siarhiej Dubaviec — kniha «Vostraja Brama» (eseistyka);
2006. Valancin Akudovič — kniha «Dyjałohi z Boham» (eseistyka);
2007. Aleh Minkin — kniha «Pienaty» (paezija);
2008. Barys Piatrovič — kniha «Žyć nie strašna» (proza).
