Pieršaje pasiedžańnie biełaruska‑polskaj kamisii pa vyrašeńni kanfliktu vakoł Sajuzu palakaŭ pieraniesienaje na niapeŭny termin. Nahadajem, što jano musiła adbycca 9 sakavika.
Polski bok zajaŭlaje pra svaju hatoŭnaść u pracy kamisii. A biełaruskija čynoŭniki dahetul hublajucca ŭ zdahadkach, što heta za kamisija i jak jana budzie pracavać.
Mierkavany kiraŭnik biełaruskaj častki kamisii — Upaŭnavažany pa spravach relihijaŭ i nacyjanalnaściaŭ pry Saviecie ministraŭ Leanid Hulaka pra svajo novaje pryznačeńnie ničoha nie viedaje. Pra heta paviedamiŭ jaho namieśnik Uładzimir Łamieka.
«My ničoha nie viedajem pra hetuju kamisiju. Ja ŭžo ŭ šefa pytaŭ. Tam spasyłki ŭžo navat na toje, što biełaruski bok Hulaka ačolić pavinien. Da nas pa hetaj kamisii nichto nie źviartaŭsia. Voś paćvierdziŭ mnie i Leanid Hulaka:
kaža, što nichto jaho pakul što ŭ anijakija kamisii nie ŭpaŭnavažvaŭ.
Kali ŭpaŭnavažać, to budzie, ale aficyjna pakul što ničoha nie atrymlivaŭ. I my ŭ aparacie nie viedajem pakul što, jaki status u hetaj kamisii i jak jana budzie pracavać».
Nahadajem, rašeńnie pra stvareńnie dvuchbakovaj kamisii pa vyrašeńni kanfliktu vakoł polskaj mienšaści ŭ Biełarusi było ŭchvalenaje ŭ čas sustrečy Alaksandra Łukašenki i ministra MZS Polščy Radasłava Sikorskaha 25 lutaha ŭ Kijevie.
