21 sakavika ŭ Horadni projdzie III ahulnanacyjanalnaja Dyktoŭka — «Harodnia, budźma z movaj‑2010!».
Hetym razam tekst Dyktoŭki — pradmova Ŭładzimira Karatkieviča da knihi «Pamiać ziamli biełaruskaj». Čytać tekst budzie viadomy paet i pierakładčyk, kiraŭnik biełaruskaha PEN‑centru Andrej Chadanovič.
Paśla dyktoŭki adbudziecca «šoŭ‑śviata movy» ad Andreja Chadanoviča. Usie ŭdzielniki atrymajuć pamiatnyja padarunki. Pa zakančeńni imprezy ŭsich čakaje śviatočny tort.
«Dyktoŭka nia jość testam na vałodańnie movaj. U pieršuju čarhu heta žest salidarnaści ź biełaruskaj movaj, ź biełaruskaj niezaležnaściu, našaje śviedčańnie taho, što biełaruskaja mova žyvaja i maje ŭ našym horadzie šmat prychilnikaŭ, — kaža adzin z arhanizataraŭ mierapryjemstva aktyvist ruchu «Za svabodu» Edvard Dmuchoŭski
Dyktoŭka arhanizoŭvajecca šeraham haradzienskich hramadzkich arhanizacyj, inicyjatyvaŭ dy prosta cikavymi, nieabyjakavymi ludźmi. Haradzienskuju dyktoŭku «Harodnia, budźma z movaj‑2010!» padtrymali kampanija «Budźma biełarusami», telekanał «Biełsat», radyjo «Racyja».
Mierapryjemstva projdzie 21 sakavika a 12.00 pa vulicy Budzionaha 48a‑100 (zala va ŭnutranym dvoryku).
