Pa Babrujsku pajšli čutki ab pieranosie «Dažynak» z 23 vieraśnia na 1 kastryčnika. Štab pa padrychtoŭcy da praviadzieńnia śviata sielskaj haspadarki pakul abviarhaje hetuju infarmacyju, ale i zamoŭčvaje ŭźnikłyja prablemy. Pra ich možna pačuć tolki z vusnaŭ miascovych žycharoŭ dy staršyni Mahiloŭskaha abłvykankamu Barysa Batury, jaki kožnuju subotu kantraluje budoŭli rajcentru.
Narakańni vyklikaje były daŭhabud – hatel «Turyst». Pavodle apošniaj infarmacyi, jon budzie mieć tolki try «zorki» zamiest płanavanych piaci. Źniešni vyhlad horadu psuje i najaŭnaść savieckich barakaŭ pa vulicach Kujbyšava dy Šmita. Niejak zabylisia budaŭniki na ideju betonnych bierahoŭ račułki Babrujki, na ŭźbiarežžy jakoj mierkavali zrabić zonu adpačynku. Prablemy majucca taksama z rekanstrukcyjaj haradzkoha stadyjonu.
Babrujsk abiacaje zatoje zadzivić usich razmacham śviata. Płošču imia Lenina, na jakoj prezydent budzie ŭznaharodžvać hierojaŭ žniva, padoŭžyli na 30 metraŭ – ciapier na joj pačynajecca mantaž centralnaj sceny fiestyvalu. Śviata praduhledžvaje vystavu chlebnych vyrabaŭ, konkurs karavajaŭ dy zabaŭlalnyja mierapryjemstvy z parasiačymi biahami. Uzdoŭž vuł. Sacyjalistyčnaj buduć pabudavanyja paviljony ad kožnaha rajonu krainy, a śviežy chleb na płoščy Pieramohi budzie vypiakacca ŭ mabilnaj vajskovaj piakarni. Miarkujecca, što na «Dažynki-2006» pryjedzie kala 10 tys. haściej, dla jakich z-za niedachopu načležnych miescaŭ ciapier rychtujucca internaty dy lahiery.
