❏
KZ «Miensk», Kastryčnickaja, 5
8 vieraśnia, 19.00
Kudmień, Testament, Rokaš, Tutejšaja šlachta, Stary Olsa, P.L.A.N.
Archaičnyja mužčynskija śpievy, histaryčnyja pieśni XIV–XIX st., pieśni na słovy Jana Čačota, stylizacyi i aŭtarskija kampazycyi na histaryčnyja temy. Košt kvitkoŭ 10 000 – 16 000.
Kudmień
U kožnaha narodu jość svaja tradycyja mužčynskaha vykanańnia histaryčnaj pieśni. «Kudmień» adnaŭlaje tradycyju mužčynskich paleskich śpievaŭ. Sami padarožničajuć, vučacca biespasiarednie ad zachavalnikaŭ tradycyi. Kiraŭnik – Iryna Maziuk, supracoŭnica Instytutu prablemaŭ kultury. Na kancercie vykonvajucca 3 staražytnyja balady i adna rekruckaja pieśnia.
Stary Olsa
Samy papularny hurt siaredniaviečnaj muzyki
ŭ Biełarusi. Apošni albom hurtu «Hieraičny epas» prezentuje biełaruskija rekanstrukcyi hieraičnych piesień XIV–XVII st. Pieśni rekanstrujavanyja na asnovie letapisaŭ i narodnych baladaŭ. Biełaruskija archaičnyja instrumenty: huśli, dudy, lutnia, cystra, žalejki i h.d.
Kiraŭnik – Źmicier Sasnoŭski.
Testament
Pieramožca II Konkursu maładych vykanaŭcaŭ staradaŭniaj muzyki («Navahradak-2006»). Admietnaść hurtu – vykanańnie biełaruskich piesień i baladaŭ XVII st. Ź viadomaha falklornaha – zbor Ł.Fiedaroŭskaha. Kiraŭnik – pieramožca Konkursu maładych dudaroŭ – 2006 Juraś Pankievič.
Tutejšaja šlachta
Asnoŭnyja ŭdzielniki – heta vykładniki i studenty BDU. Jany vykanajuć aŭtarskija pieśni Lavona Machnača
na słovy Jana Čačota.
Rokaš
Pieramožca Konkursu maładych vykanaŭcaŭ staradaŭniaj muzyki – 2005. Adznačany admysłovym pryzam Nacyjanalnaha radyjo. U hurt uvachodziać maładyja ludzi – udzielniki rycarskaha biełaruskaha ruchu. Taksama muzyki zajmajucca muzyčnymi histaryčnymi stylizacyjami.
P.L.A.N.
Hety sučasny hurt prezentuje prahramu, pryśviečanuju biełaruskaj historyi: stylizavanyja aŭtarskija kampazycyi z žyvym hukam na narodnych instrumentach.