Razam z Natallaj Radzinaj na premiju «Svaboda słova», jakuju ŭručaje pravaabarončaja arhanizacyja «Indeks cenzury», byŭ naminavany sajt Chartyja‑97.
Naminacyja, u jakuju patrapili pradstaŭniki Biełarusi, nazyvałasia «Za baraćbu suproć represij i za dziejnaść, nakiravanuju na źmienu palityčnaha klimatu».
Taksama ŭ hetaj naminacyi byli pradstaŭlenyja rasiejski pravaabarončy centar «Memaryjał», dyrektar azerbajdžanskaha instytutu pravoŭ medyjaŭ Rašyd Chadžyli i juryst z Efijopii Danieł Biekiele. Pieramožcam byŭ pryznany Rašyd Chadžyli z Azerbajdžanu, jaki zajmajecca abaronaj ad represij dziaržavy niezaležnych žurnalistaŭ i blohieraŭ.
«Našy ŭznaharody ŭšanoŭvajuć tych ludziej z usiaho śvietu, jakija zmahajucca z cenzuraj. Hetyja ludzie bolš talenavityja za tych, chto sprabuje ich cenzuravać», ‑‑ adznačyŭ na ŭručeńni premii Džon Kampfner, vykanaŭčy dyrektar pravaabarončaj arhanizacyi «Indeks cenzury».
Žurnalisty sajtu Chartyi‑97 šmat razoŭ akazvalisia pad ciskam biełaruskich siłavikoŭ.
16‑ha sakavika ŭ kvateru, dzie pracujuć žurnalisty sajtu, uvarvalisia milicyjanty. Pry napadzie redaktar sajtu Natalla Radzina była źbita. Milicyjanty zabrali kamputary, na jakich pracavali žurnalisty sajtu Chartyi‑97.
