U aŭtorak 12 vieraśnia adbyłasia prezentacyja novaj knihi Alaksieja Kaŭki «Kab nie zabycca», jakuja skłali aŭtarskija dopisy za roznyja hady, štopraŭda ŭ knihi zusim mły nakład – usiaho sto asobnikaŭ. Na imprezie va ŭpravie BNF było kla tryccaci-saraka čałaviek.
Alaksiej Kaŭka – heta adzin z najbolš viadomych biełaruskich savieckich desydentaŭ, słavutaść jakomu prynios artykuł «List da rasiejskaha naroda».
Apošnija hadoŭ tryccać Alaksiej Kaŭka žyvie i pracuje ŭ Maskvie, dzie zajmieŭ kandydackuju histaryčnych navuk i doktarskuju filalahičnych. Vydaje ŭ biełakamiennaj štohadovy almanach «Skarynič», darečy, sioleta ŭ śviet źjaviŭsia jahony ŭžo šosty numar.
Na imprezie Kaŭka pryznaŭsia, što ŭpieršyniu vystupaje z prezentacyjaj ułasnaj knihi, tamu krychu chvalujecca. Ale jamu i nie daviałosia šmat kazać, za Kaŭku kazali šmat i dobraha inšyja.
Dyrektarka muzeju-archivu liaratury i mastactva Hanna Zapartyka paraŭnała pracu Alaksieja Kaŭki z rabotaj cełaha instytutu. Paet Michaś Skobła kaža, što kali Kaŭka źjaŭlajecca ŭ Biełarusi jaho vielmi ciažka znajści, bo jon maje niekalki javačnych kvateraŭ. Tamu samy nadziejniejšy sposab šukać Kaŭku ŭ archivach, dzie jon pravodzić amal uvieś volny čas na Radzimie. Jon nie stamlajecca znachodzić novyja staronki ajčynnaj historyi. U knizie «Kab nie zabycca», miž inšym, Kaŭka raskryvaje niekatoryja biełaruskija tajamnicy.
Narodny paet Biełarusi Nił Symonavič Hilevič viarnuŭ Alaksieju Kaŭku stary daŭžok – pieršy numar hazety «Słavianie» čatyrnaccacihadovaj daŭniny, jakuju Kaŭka tady vielmi prasiŭ viarnuć Hileviča, ale ž abiacanaha daviałosia čakać stolki hadoŭ.
Taksama dobryja słovy pra daśledčyka havaryli Volha Ipatava, Zachar Šybieka, Vital Skałaban, Uładzimier Sodal. Alaksiej Kanstancinavič čaściej za ŭsio cicha ŭśmichaŭsia i niešta zapisvaŭ u svoj natatnik. Na raźvitańnie jon skazaŭ, što ciapier narešcie biełarusy viedajuć, jakaja ŭ ich hałoŭnaja prablema, a, kab niešta tutaka źmianić treba prosta rabić i dziejničać i ničoha bolš.
