Pradstaŭniki apazicyjnych partyj ušanavali 9 maja ŭ Minsku pamiać zahinułych u Vialikaj Ajčynnaj vajnie.
U 10.30 na płoščy Pieramohi sabralisia prykładna 50 vieteranaŭ — prychilnikaŭ Biełaruskaj partyi levych «Spraviadlivy śviet». Jany ŭskłali kvietki da manumienta Pieramohi i praviali nievialiki mitynh. Jak adznačyŭ padčas svajho vystupleńnia lider partyi Siarhiej Kalakin, aktyvisty demakratyčnych sił tradycyjna ŭšanoŭvajuć pamiać zahinułych u Vialikaj Ajčynnaj vajnie. «My vinšujem vieteranaŭ, vykazvajem udziačnaść im za toje, što jany zrabili. Jany vyzvalili Biełaruś ad fašyzmu. I ja dumaju, što hetyja ludzi mohuć pryvieści krainu da lepšaj budučyni», — adznačyŭ Kalakin.
Razam ź vieteranami ŭskłaŭ kvietki namieśnik staršyni Abjadnanaj hramadzianskaj partyi Jarasłaŭ Ramančuk.