Biełaruskija ŭłady praciahvajuć brutalnaje źniščeńnie Miensku. Pa Kaladach planujecca znos staroha budynku la hatelu «Biełaruś», u jakim mieścicca Dom dziciačaje tvorčaści. Ciaham bližejšych dvuch hadoŭ na jahonym miescy j na terytoryi staraśvieckich Staražoŭskich mohiłak na Piareśpie budzie pabudavany rasiejski biznes-centar «Dom Maskvy». Iniciatyva sychodzić ad maskoŭskaha pravadyra Łužkova. Pad jahony pražekt vydatkavana ahułam 3 hiektary staražytnaha mienskaha pradmieścia Piarespa.
Prajekt hetaj sparudy ŭžo prajšoŭ usie ŭzhadnieńni, ciapier viaducca padrychtoŭčyja pracy pad budoŭlu. «Dom Maskvy» musić stać novym symbalem Miensku.
Akurat z hetym miescam narodnaje padańnie łučyć Młyn vołata Mianieska, što stajaŭ koliś tut. Ad hetaha ŭročyšča nad rečkaj Piarespaj, na šlachu Vilenskim, pavodle lehiendy j pačaŭsia Miensk. U XVIII stahodździ tut uźnikli pravasłaŭnyja Staražoŭskija mohiłki. U 1985-1986 ich časktkova zrujnavali j razrabavali. Ciapier hety pomnik archiealohii, historyi j pryrody budzie źniščany całkam.
A z boku Trajeckaha pradmieścia budzie razbudavana vulica Staravilenskaja. Tamaka, na miescy staraśvieckich kvartałaŭ, vyraście najbujniejšy žyllovy kompleks z parkinhami j biznes-centrami.
