Siońnia redakcyja časopisu «ARCHE» atrymała list ź Ministerstva infarmacyi, datavany 19 vieraśnia 2006 h. U liście ŭtrymlivajecca druhoje papiaredžańnie i prypynieńnie vydańnia časopisu na try miesiacy.
Papiaredžańnie vyniesienaje za parušeńnie artykułu №11 «Zakonu RB ab druku i inšych srodkach masavaj infarmacyi». Padstava – za źmienu tematyki (specyjalizacyi) časopisu «ARCHE», publikacyjami hramadzka-palityčnaha charaktaru. U vyniku na padstavie art. 16 «Zakonu RB ab druku i inšych srodkach masavaj infarmacyi» Ministerstva infarmacyi prypyniła na try miesiacy vydańnie časopisu «ARCHE».
Hałoŭny redaktar Valer Bułhakaŭ miarkuje, što sapraŭdnaj pryčynaj prypynieńnia jość apošni numar (№9, 2006) časopisu, dzie na vokładcy adlustravanyja tvary rabotnikaŭ specsłužbaŭ, jakija vyciaśniajuć demanstrantaŭ z praspektu kala mienskaha HUMa padčas padziejaŭ 25 Sakavika.
«Mabyć, cenzaram taksama nie spadabalisia vialikija (na 60 staronak) uspaminy deputataŭ pra vykidańnie haładoŭščykaŭ z Avalnaj Zali Viarchoŭnaha savietu ŭ krasaviku 1995 h., a taksama pieradruk vystupaŭ A. Łukašenki i pałkoŭnika Ciesaŭca, što kiravaŭ aperacyjaj», – zaznačaje V. Bułhakaŭ
Cikava, što ŭvieś 2005 h. u Ministerstvie infarmacyi lažała zajava vydaŭcoŭ časopisu «ARCHE» z prośbaj pierarehistravać vydańnie jak «hramadzka-palityčnaje», ale zadavolena jana nie była.
Pa słovach Valera Bułhakava, heta ŭžo treciaje, pačynajučy z 2004 h., paparedžańnie «ARCHE» za «samavolnuju» źmienu tematyki i pieršaje ŭ historyi časopisu prypynieńnie jaho vychadu na 3 miesiacy.
Padrabiaznaści i kamentary paźniej na sajcie
