Arcybiskup Vilni kardynał Aŭdrys Juozas Bačkis zabaraniŭ zanosić u kafiedralny sabor trunu ź ciełam byłoha prezidenta Litvy Alhirdasa Brazaŭskasa padčas cyrymonii raźvitańnia i pachavańnia. Aficyjnych tłumačeńniaŭ z nahody rašeńnia kardynała nie było, ale ekśpierty ličać, što zabarona źviazanaja z tym, što ŭ časy znachodžańnia ŭ kamunistyčnaj partyi Litvy Brazaŭskas mieŭ dačynieńnie da pieraśledu katalikoŭ.
Škadavańnie z nahody rašeńnia vilenskaha arcybiskupa vykazali ciapierašni prezident krainy Dala Hrybaŭskajcie i jaje papiarednik Vałdas Adamkus.
Raźvitacca z Brazaŭskasam u kałonnaj zale prezidenckaha pałaca ŭ sieradu prychodziać tysiačy ludziej. Dostup u zału budzie adkryty da 20.00.
Napiaredadni, u aŭtorak, z Brazaŭskasam raźvitalisia kiraŭniki krainy, byłyja paplečniki prezidenta, čalcy ŭradu i parłamientu.
U čaćvier u 13.50 trunu ź ciełam Brazaŭskasa vyniesuć va ŭnutrany dvor prezidenckaha pałaca, zatym pachavalnaja pracesija rušyć u bok mohiłak na Antokali. Pachavańnie pryznačanaje na 15.00.
Pavodle dadzienych Delfi, panichida pa Brazaŭskasu projdzie ŭ sabory ŭ horadzie Kajšadorys.
