Akvareli aŭtarstva Adolfa Hitlera, namalavanyja padčas pieršaj suśvietnaj vajny, u aŭtorak buduć vystaŭlenyja na aŭkcyjonie ŭ miastečku Lostwithiel, na paŭdniovym zachadzie Vialikaj Brytanii.
Kalekcyja naličvaje 21 karcinaŭ i eskizaŭ i jość najvialikšym zboram tvoraŭ Hitlera, vystaŭlenych da hetaha času na prodaž.
Znojdzienyja akvareli vyklikali vializny intares u kalekcyjaneraŭ z Rasiei, ZŠA i PAR. Adnak ideja arhanizacyi aŭkcyjonu naradžaje taksama šmat dyskusijaŭ. Častka hramadztva ličyć niedarečnym prodaž pracaŭ vajennaha złačyncy.
Kalekcyju akvarelaŭ Hitlera znajšła ŭ 80-ch h. na haryščy svajho domu adna belhijka. Žančyna, jakaja pažadała nie ahałošvać svajho proźvišča, miarkuje, što ich pakinuli dźvie žančyny z Francyi, jakija ŭ 1919 h. paśla zakančeńnia vajny viartalisia dadomu. Nieviadoma, adnak, jakim čynam u francužanak apynulisia tyja karciny.
Eksperty paćvierdzili aŭtentyčnaść pracaŭ. Adnak jany zaŭvažyli, što ichniaja jakaść horšaja za raniejšyja pracy Hitlera. Niahledziačy na heta, supracoŭniki aŭkcyjonnaha domu spadziajucca, što niekatoryja akvareli mohuć być pradadzienyja navat za 5000 funtaŭ.
