Pra heta karespandentu BIEŁTA paviedamiŭ nadzvyčajny i paŭnamocny pasoł Biełarusi ŭ Italii Alaksiej Skrypko.
Pasoł padkreśliŭ: «My dziejničali ŭ poŭnym supracoŭnictvie z sudom u spravach niepaŭnaletnich Hienui i pravaachoŭnymi orhanami Italii».
Ź Italii Vika była viernutaja hetaj nočču. Zaraz jana znachodzicca pad nahladam biełaruskich i italjanskich psycholahaŭ i pedahohaŭ. «Jana ŭ dobrym stanie», – padkreśliŭ pasoł.
Rašeńnie pra viartańnie Viki na radzimu było pryniataje paśla taho, jak daktary dali zaklučeńnie pra toje, što jana ŭ stanie pieranieści pajezdku. «Pryčym hienueski sud u spravach niepaŭnaletnich parekamendavaŭ nam zrabić heta ŭ maksymalna ścisłyja terminy, bo znachodžańnie Viki ŭ italjanskim prytułku bieź jakoj-kolviek peŭnaści škodziła jaje psychalahičnaj reabilitacyi», – skazaŭ Alaksiej Skrypko.
U cełym, dadaŭ pasoł, «toje, što adbyłosia, heta najhłybiejšy šok i dla Biełarusi, i dla Italii, pryčym nia tolki dla ŭradaŭ, ale i dla pryjomnych siemjaŭ, dla dyrektaraŭ dziciačych damoŭ siamiejnaha typu, ź jakich našyja dzieci dziasiatkami tysiač jeździli na azdaraŭleńnie ŭ Italiju». Pavodle słovaŭ Alaksieja Skrypko, «i Italii, i Biełarusi treba zrabić vysnovy dla taho, kab nikoli bolej nie dapuścić sytuacyi, analahičnaj toj, što adbyłasia ź Vikaj Maroz».
