Žanočaja zbornaja Biełarusi pa parašutnym sporcie pad kiraŭnictvam staršaha praparščyka Alaksieja Kavalčuka stała pieramožnicaj u kamandnym zaliku 35-ha čempijanatu śvietu, jaki prachodziŭ 15—25 lipienia ŭ šviejcarskim Buoksie. Pra heta paviedamiła pres-słužba Ministerstva abarony.
U spabornictvach, što pravodzilisia pad ehidaj Mižnarodnaha savieta vajennaha sportu, uziali ŭdzieł spartsmieny z 36 krain.
Biełaruskaja kamanda ŭ składzie staršaha praparščyka Aleny Jarmalčuk, staršych siaržantaŭ Ludmiły Haŭrylenki i Natalli Ziminoj, jafrejtaraŭ Natalli Nikiciuk i Taćciany Nalivajki zavajavała załatyja miedali, apiaredziŭšy zbornyja ZŠA (2-je miesca) i Kitaja (3-je miesca). U aktyvie biełarusaŭ taksama pieršaje miesca ŭ akrabatyčnych parašutnych skačkach i druhoje miesca ŭ spabornictvach pa skačkach na dakładnaść pryziamleńnia.
U skarboncy kapitana žanočaj kamandy staršaha praparščyka Aleny Jarmalčuk try ŭznaharody pa vynikach indyvidualnych spabornictvaŭ. Spartsmienka zavajavała siarebrany miedal u parašutnym dvajaborji, a taksama bronzavyja miedali ŭ akrabatyčnych parašutnych skačkach i skačkach na dakładnaść pryziamleńnia.
