Hetaje leta akažacca samym śpiakotnym za ŭsiu historyju mieteanazirańniaŭ. Pieršaja dekada žniŭnia dała novy tempieraturny rekord — 38,9 hradusaŭ vyšej za nul u Homieli 8 žniŭnia.
Takim čynam, pabity rekord, ustanoŭleny amal 64 hady tamu, — 38 hradusaŭ 20 žniŭnia 1946 hoda ŭ Vasilevičach (Homielskaja vobłaść).
Adnak rubiažu 40 hradusaŭ słupok tak i nie dasiahnuŭ. Choć prahnozy toje abiacali dla Homielščyny. Moža, toje zdarycca ŭ nastupnyja vychodnyja? U druhoj pałovie hetaha tydnia viatry z poŭdnia adcisnuć atłantyčny cykłon, i nad Biełaruśsiu katory raz za hetaje leta zapanuje haračaje subtrapičnaje pavietra.
Užo ŭ čaćvier, 12 žniŭnia, tempieratura pavietra ŭ dzionnyja hadziny składzie 26–32 hradusy vyšej za nul, u paŭdniova-ŭschodnich rajonach pavietra prahrejecca da plus 35–37 hradusaŭ.
Tempieratura pavietra nočču budzie vahacca ad plus 15 da plus 24 hradusaŭ, a dniom u piatnicu 13 žniŭnia — ad 29 da 34 hradusaŭ vyšej za nul. Pa ŭschodzie Biełarusi čakajecca plus 35–37 hradusaŭ. Tolki miescami subtrapičnuju parnaść aśviažać karotkačasovyja navalničnyja daždžy.
U vychadnyja dzionnaja tempieratura znoŭ dasiahnie rekordna vysokich značeńniaŭ — plus 30–36 hradusaŭ, pa ŭschodzie — da plus 37–39 hradusaŭ.
