Hałoŭnaja prezydenckaja hazeta siońnia addała vialikuju treciuju pałasu pad materyjał, pryśviečany 75-hodździu respublikanskaj bolnicy kiraŭnictva spravaŭ prezydenta. U hetaj ustanovie papraŭlajuć svajo zdaroŭje rabotniki kirujučych orhanaŭ krainy. U saviecki čas jana nazyvałasia «lečkamisijaj CK KPB». Znachodzicca jana adrazu la prezydentury i zajmaje ceły kvartał miž vulicami Čyrvonaarmiejskaj i Enhielsa.
Kiruje respublikanskaj bolnicaj Iryna Abielskaja, jakaja pryjšła na hetuju pasadu z pazycyi asabistaje doktarki kiraŭnika krainy.
U artykule «SB», što maje zahałovak «Evalucyjny padychod», I.Abielskaja raspaviadaje pra dziejnaść špitala i pra ŭnikalnaje abstalavańnie, zakuplenaje dla jaho. «Miažy daskanałaści niama, – zajaŭlaje I.Abielskaja. – My budziem iści ŭ nahu z suśvietnaj medycynaj, jak taho patrabuje žyćcio i lekarskaja praktyka».
Mnohija palitolahi ličać Irynu Abielskuju adnoj z samych upłyvovych asobaŭ krainy. Jejnaja maci Ludmiła Pastajałka z zahadčycy špitala ŭ Bieraści ŭ svoj čas uźlacieła na pasadu ministra achovy zdaroŭja, a ciapier vykonvaje funkcyi senatarki.
Artykuł całkam čytajcie tutaka .
