Krajniaja pravaja partyja Flamandzki blok atrymała na vybarach adzin z najlepšych vynikaŭ u svajoj historyi. Jany vystupajuć za bolšuju niezaležnaść bahataj Flandryi ad biednaj Valonii.
Što praŭda, krajnija nacyjanalisty z Vlaams Belang nia zdoleli dasiahnuć poŭnaha pośpiechu – jany zdabyli «ŭsiaho» 32,5%, krychu mieniej za sacyjał-demakrataŭ. Tamu całkam uładu jany, badaj, nia voźmuć – astatnija partyi ctvorać «sanitarny kardon», – šmatpartyjnuju kaalicyju.
Ale ŭ inšych akruhach krainy Vlaams Belang atrymała lepšyja vyniki, čym šeść hadoŭ tamu. U šerahu kamunaŭ, u tym liku ŭ pryharadzie Bruselu, jana vyjšła na pieršyja miescy. I mienavita ŭ takich kamunach krajnija flamandzkija nacyjanalisty buduć vieści rej u haradzkich radach.
Niadzielnyja municypalnyja vybary ŭ Belhii pakazvajuć, jaki moža być vynik federalnych vybaraŭ u parlament u nastupnym hodzie. Čym bolš hałasoŭ atrymajuć flamandzkija pravyja, tym bolšaja vierahodnaść, što pačniecca pastupovy demantaž Belhii. Bahatyja flamandcy ŭžo doŭhi čas narakajuć, što zmušanyja mieć na ŭtrymańni paŭdniovuju častku krainy – frankamoŭnuju Valoniju, što ŭžo dziasiatki hadoŭ pieražyvaje ekanamičny kryzis.
I praktyčna ŭsie flamandzkija pravyja partyi abviaščajuć, što buduć damahacca bolšaj niezaležnaści Flandryi, asabliva finansavaj.
– Belhija sama pa sabie nia jość niejkaj kaštoŭnaściu – skazaŭ niadaŭna Yves Lanterne, chryścijanski demakrat, jaki zajmaje pasadu kiraŭnika rehijanalnaha ŭradu Flandryi.
Partyi, što ciapier kirujuć Belhijaj – sacyjalisty z Valonii i flamandzkija liberały – na niadzielnych municypalnych vybarach atrymali vielmi słaby vynik. Jany nia zmohuć procistajać razbureńniu Belhii. Karol Albert II taksama biaśsilny, bo nia maje patrebnych kanstytucyjnych paŭnamoctvaŭ.
