Litaraturaznaŭčaja ekspertyza, praviedzienaja Hieneralnaj prakuraturaj RB, nia vyjaviła składu kryminalnaha złačynstva ŭ tekście knihi Paŭła Sieviarynca «Nacyjanalnaja ideja. Fenamenalohija Biełarusi», skanfiskavanaj supracoŭnikami KDB i MUS na pryvatnych kvaterach maładafrontaŭcaŭ u Miensku padčas pieratrusaŭ u lutym–sakaviku 2006 h. Bolej za 70 asobnikaŭ knihi viarnuli haspadarom. Razam z tym jašče kala 40 knih, skanfiskavanych u Mahilovie, Navapołacku, Žłobinie, zastajucca ŭ miascovych adździełach milicyi. Vydadzienaja nievialikim nakładam, kniha pryznačałasia dla prezentacyi ŭ 12 biełaruskich haradoch: niekalki ź ich sarvali praz vybarčyja pieratrusy.
Kniha «Nacyjanalnaja ideja. Fenamenalohija Biełarusi» – aŭtarskaja encyklapedyja, składzienaja z 200 najbolš viadomych fenomenaŭ biełaruskaści, daśleduje nacyjanalnuju ideju jak sutnasna chryścijanskuju. Na vokładcy raźmieščanyja vodhuki piśmieńnika Ŭładzimiera Arłova, paeta Hienadzia Buraŭkina, historyka Anatola Hryckieviča j pastara Ernesta Sabiły. «Nacyjanalnaja ideja...» fihuravała ŭ śpisie «Lepšyja knihi – 2005» tydnioviku «Naša Niva» j atrymała medal Mikoły Jermałoviča ad klubu «Spadčyna».
Pakul knihu Paŭła Sieviarynca možna pračytać u Internecie na jahonym asabistym sajcie, abo na ŭeb-staroncy Biełaruskaj chryścijanskaj demakratyi.
