Praź dziesiać hadoŭ paśla zabojstva ŭkrainskaha žurnalista Hieorhija Hanhadze prakuratura vyznačyłasia ź pieršym zamoŭnikam złačynstva. Heta Juryj Kraŭčanka, tahačasny ministr unutranych spravaŭ krainy.
Śledstva Hienprakuratury vyśvietliła, što tahačasny kiraŭnik Kryminalnaha vyšuku MUS hienierał Alaksiej Pukač atrymaŭ zahad zabić Hieorhija Hanhadze niepasredna ad ministra.
7 vieraśnia 2010 kiraŭnik śledčaj hrupy Hienprakuratury pa spravie Hanhadze Alaksandr Charčanka vynies kančatkovuju pastanovu ab pryciahnieńni Pukača da kryminalnaj adkaznaści.
U hetym dakumiencie i apisanaja rola Kraŭčanki ŭ najbolš rezanansnym złačynstvie niezaležnaj Ukrainy.
«Pukač A.P. 17 vieraśnia 2000 h., vykonvajučy vidavočna złačynny vusny zahad ministra ŭnutranych spravaŭ Kraŭčanki Ju.F., h.zn. na zamovu, pa papiaredniaj zmovie hrupaj asobaŭ, sumiesna z Pratasavym, Kastenkam i Papovičam, jakija nie viedali pra złačynny zahad, naŭmysna zabiŭ Hanhadze H.R.», — havorycca ŭ pastanovie śledčaha.
(Zaŭvaha: Hanhadze byŭ vykradzieny 16 vieraśnia, ale, pa dadzienych śledstva, zabojstva adbyłosia ŭ 00:10 17 vieraśnia. Pratasaŭ, Kastenka i Papovič — supracoŭniki milicejskaj słužby vonkavaha sačeńnia, jakija za ŭdzieł u zabojstvie Hanhadze atrymali 12 i 13 hadoŭ turmy).
U pastanovie śledčaha pryviedzienyja padrabiaznaści, dzie i kali Kraŭčanka zahadaŭ zabić zasnavalnika «Ukrainskaj praŭdy».
«Prykładna 13–14 vieraśnia 2000 u svaim słužbovym kabiniecie ŭ horadzie Kijevie pa vulicy Bahamolca, 10 ministr unutranych spravaŭ Kraŭčanka Ju.F. vusna addaŭ načalniku Hałoŭnaha ŭpraŭleńnia kryminalnaha vyšuku MUS Ukrainy Pukaču A.P. vidavočna złačynny zahad — zabić žurnalista Hanhadze H R. dla spynieńnia takim čynam žurnalisckaj dziejnaści».
«Pukač A.P., dziejničajučy z asabistaj zacikaŭlenaści i karjernych pamknieńniaŭ, nie žadajučy ŭskładniać adnosiny z kiraŭnikom MUS Ukrainy, a taksama raźličvajučy zdabyć prychilnaść Kraŭčanki Ju.F. i atrymać padvyšeńnie pa słužbie i padvyšeńnie da śpiecyjalnaha zvańnia rabotnika milicyi, pahadziŭsia vykanać zahad Kraŭčanki Ju.F., h.zn. na zamovu zabić Hanhadze H.R.», — taksama havorycca ŭ pastanovie.
Pa dadzienych śledstva, Pukač daŭ spravazdaču Kraŭčanku adrazu paśla zabojstva Hanhadze, 17 vieraśnia 2000.
«Na nastupny dzień u słužbovym kabiniecie ministra ŭnutranych spravaŭ Pukač A.P. paviedamiŭ Kraŭčanku Ju.F. ab vykanańni jaho zahadu zabić žurnalista Hanhadze, paśla čaho razam z Papovičam A.V. (kiroŭca Pukača) pazbaviŭsia sumki i mabilnaha telefona Hanhadze H. R., vykinuŭ sumku ŭ voziera kala Paŭdniovaha mosta ŭ Kijevie, a mabilny telefon — u vadajom Rusanaŭskaha kanała pablizu haścinicy „Słavucič“ u Kijevie».
Taksama, jak vyśvietliła śledstva, zahad pierapachavać Hanhadze taksama davaŭ Kraŭčanka.
«U pačatku kastryčnika 2000, dziejničajučy pa ŭkazańni Kraŭčanki Ju.F., z metaj schavać ździejśnienaje ŭ dačynieńni Hanhadze H.R. złačynstva, Pukač A.P. na słužbovym aŭtamabili «Nisan» pryjechaŭ na miesca pachavańnia trupa Hanhadze H. R., vykapaŭ jaho i pavioz u lasny masiŭ Ułašaŭskaha laśnictva Taraščanskaha rajona, dzie siakieraj adździaliŭ hałavu ad cieła i tamsama zakapaŭ abiezhałoŭleny trup Hanhadze.
Adčlenienuju hałavu Hanhadze H.R. Pukač A.P. advioz i zakapaŭ u kancy lesapałasy na adlehłaści 1,4 km ad aŭtadarohi pamiž siołami Daŭhaliŭskaje — Kaleśnikava na 136 kiłamietry aŭtatrasy Kijeŭ — Załatanoša Rakitnianskaha rajona Kijeŭskaj vobłaści.
Epizody ź inšymi liderami apazicyi
U abvinavačańni Pukača taksama fihuruje epizod vykradańnia Alaksieja Padolskaha — pamočnika deputata Siarhieja Hałavataha, jaki tady aktyŭna ŭdzielničaŭ u apazicyjnym ruchu.
Pukač i dvoje supracoŭnikaŭ słužby vonkavaha sačeńnia Navumiec i Maryniak, jakija paźniej atrymali pa try hady turmy, vykrali Padolskaha. Adbyłosia heta ŭ rajonie pałovy na adzinaccatuju viečara 9 červienia 2000 pa toj samaj schiemie, što i z Hanhadze, — prapanavaŭšy jamu pasłuhi taksi.
Padolskaha vyvieźli z Kijeva ŭ lesapałasu kala vioski Piatroŭskaje Pryłuckaha rajona Čarnihaŭskaj vobłaści. Tam jaho źbili, biez rečaŭ i dakumientaŭ pakinuli nočču ŭ lesie i źjechali. Viarnuŭšysia ŭ Kijeŭ, Pukač padpaliŭ dźviery kvatery, dzie žyŭ Padolski, a ŭžo na nastupny dzień adrapartavaŭ Kraŭčanku ab «prafiłaktyčnych mierach», pryniatych u dačynieńni da hramadskaha dziejača.
«10 červienia 2000 h. prykładna, a
Vočnaja staŭka Pukač — Litvin
Akramia Kraŭčanki, inšyja vysokapastaŭlenyja asoby ŭ pastanovie nie zhadvajucca. Razam z tym, žurnalistam taksama stali viadomyja pakazańni Pukača ŭ dačynieńni śpikiera parłamienta Uładzimira Litvina.
Tak,
pavodle śćvierdžańnia hienierała, praź niekalki dzion paśla zabojstva Hanhadze 17 vieraśnia 2000 Litvin pabyvaŭ u ministerstvie ŭnutranych spravaŭ u kabiniecie Kraŭčanki.
Tam prysutničaŭ taksama pieršy namieśnik ministra Mikoła Džyha, kiraŭnik aparatu MUS Eduard Fere, a taksama sam Pukač.
Jak śćviardžaje Pukač, Kraŭčanka asabista pradstaviŭ jaho Litvinu sa słovami: «Uładzimir Michajłavič, heta naš supracoŭnik, jaki asabista razabraŭsia z Hanhadze».
Pry hetym Kraŭčanka palapaŭ Pukača pa plačy i źviarnuŭsia da Litvina sa słovami: «Pieradajcie prezidentu, što my vykanajem luboje jaho ŭkazańnie».
Heta viersija padziej u vykładzie Pukača. Paśla hetaha, pa jaho słovach, razmova Kraŭčanki i Litvina prachodziła bieź śviedak, a na nastupny dzień Kraŭčanka zahadaŭ Pukaču ŭziać adpačynak i pierapachavać cieła, adździaliŭšy ad jaho hałavu.
Isnuje viersija, što Pukač užo tady adčuŭ, jak jaho padstavili — i śpiecyjalna pachavaŭ cieła ŭ takim miescy, dzie jaho dakładna znojduć. I śpiecyjalna pakłaŭ u mahiłu ŭpryhožańni, jakija mahli dakładna identyfikavać Hanhadze.
Tak i adbyłosia — miascovyja žychary nieŭzabavie ŭbačyli niepadalok ad lasnoj darohi častku ruki, što tyrčała
U svaich chadajnictvach da śledčaha Pukač inicyjavaŭ praviadzieńnie vočnych stavak z žyvymi ŭdzielnikami razmovy ŭ kabiniecie Kraŭčanki — śpikieram Litvinam i vińnickim hubiernataram Džyham. Śledčyja dziejańni prajšli letam hetaha hoda.
Pavodle infarmacyi krynic, Pukač nastojvaŭ na svajoj viersii znajomstva ź Litvinam, a śpikier jaje adprečvaŭ.
«Ja z vami nieznajomy», — adkazaŭ Litvin na słovy Pukača pra toje, jak jany byli pradstaŭlenyja adzin adnamu nastupny dzień paśla zabojstva Hanhadze. Taksama adprečvaŭ viersiju Pukača i Mikoła Džyha.
Taksama, pavodle infarmacyi krynic, na dopytach Pukač paviedamiŭ, što ŭ žniŭni 2000 Džyha ŭziaŭ u jaho materyjały na Hanhadze, sabranyja milicyjaj, i advioz ich u aeraport «Baryspal». Adtul Kraŭčanka vylecieŭ u Krym na sustreču z Kučmam, dzie toj znachodziŭsia na adpačynku.
U svaich pakazańniach Pukač taksama nastojvaje, što pra ździajśnieńnie im złačynstva było viadoma nie tolki Litvinu i Džyhu, ale i prezidentu Kučmu i tahačasnamu kiraŭniku SBU Leanidu Dzierkaču.
Tak, pa słovach hienierała,
na nastupny dzień paśla zabojstva Hanhadze Pukača naviedaŭ pałkoŭnik SBU, jaki pracavaŭ pamočnikam Dzierkača pa ŭzajemadziejańni z MUS. Jon paviedamiŭ, što jamu viadoma ab vykradańni žurnalista milicejskaj słužbaj vonkavaha sačeńnia.
Jašče Pukač skazaŭ na dopytach, nibyta Kraŭčanka nieadnarazova jaho pierakonvaŭ, što jon damoviŭsia z Kučmam, i hienierała ź jaho «eskadronam śmierci» nie kranuć.
«Ukraina skałaniecca, kali daviedajecca ŭsiu praŭdu…»
Kali sudovy praces nad Pukačam budzie adkrytym, ahučanyja im fakty mohuć pakłaści kaniec palityčnaj karjery niekatorych dziejačaŭ sučasnaści.
Z 15 vieraśnia znajomicca z materyjałami spravy mohuć paciarpiełyja. Potym — Pukač. U prakuratury raźličvajuć pieradać spravu ŭ sud da 8 kastryčnika — u hety dzień zakančvajecca termin dziejańnia dazvołu na aryšt Pukača, vydadzienaha Viarchoŭnym sudom.
Viadoma, u vypadku paŭtornaha zvarotu sud praciahnie jamu aryšt, adnak śledčym, kab nie abciažarvać siabie dadatkovaj pracaj, było b zručniej da taho momantu pieradać Pukača ŭ sudovuju kampietencyju.
Adnoj z umovaŭ, na jakich Pukač pahadziŭsia supracoŭničać sa śledstvam, było akazańnie dapamohi jahonaj dačce.
Tady ž, padčas zatrymańnia ŭ minułym hodzie, Pukač, pa słovach krynic, zajaviŭ: «Zabojstva Hanhadze — heta daloka nie ŭsio. Ukraina skałaniecca, kali daviedajecca ŭsiu praŭdu».
Kab prademanstravać ščyraść svaich namieraŭ supracoŭničać sa śledstvam, Pukač pakazaŭ, dzie byŭ pachavany čerap Hanhadze. Pobač z hetym miescam byli znojdzienyja pareštki jašče 12 (!) čałaviek.
Artykuły, pa jakich abvinavačvajecca Pukač
U kančatkovaj redakcyi pastanovy ab pryciahnieńni Pukača da adkaznaści jamu pradjaŭlenaje abvinavačańnie pa troch artykułach Kryminalnaha kodeksu.
Maksimalnaja sankcyja, praduhledžanaja hetych artykułach, — pažyćciovaje źniavoleńnie.
Kvalifikacyja «zabojstva pa zamovie» — novy punkt u abvinavačvańni Pukaču. Jon źjaviŭsia tolki ŭ kančatkovaj redakcyi pastanovy ab pryciahnieńni jaho da kryminalnaj adkaznaści.
Abarona Pukača adšturchoŭvajecca ad taho, što ŭ jaho nie było papiaredniaj zmovy z tryma inšymi supracoŭnikami słužby vonkavaha sačeńnia, jakija atrymali pa 12 i 13 hadoŭ turmy, a adbyŭsia «eksces vykanaŭcy».
Pukač taksama śćviardžaje, što kali dušyŭ Hanhadze ramianiom, to chacieŭ tolki zapałochać žurnalista, ale nie raźličyŭ siłu — i spražka ramiania trapiła na kadyk Hanhadze, paśla čaho zasnavalnik «Ukrainskaj praŭdy» zahinuŭ.
Heta nie zusim układajecca ŭ łohiku pakazańniaŭ troch saŭdzielnikaŭ Pukača, što viadomyja z rašeńnia Viarchoŭnaha suda, jaki pakinuŭ ich turemnyja prysudy ŭ sile.
Tak, aŭtamabil, u jakim znachodziŭsia Hieorhij paśla vykradańnia 16 vieraśnia, pa darozie da miesca złačynstva zajechaŭ ŭ viosku Suchalesy Biełacarkoŭskaha rajona. Tam Pukač uziaŭ viaroŭku i rydloŭku, jakija pakłaŭ u bahažnik. Kali adšturchoŭvacca ad viersii «zapałochvańnia», hety invientar byŭ nieabaviazkovym.
Dalej mašyna z Hieorhijem adpraviłasia ŭ les, jaki znachodzicca niepadalok ad vioski. Tam Papovič — kiroŭca Pukača — vykapaŭ jamu.
Kali mašyna z Hanhadze pryjechała ŭ les, Hieorhiju źviazali viaroŭkaj ruki i nohi, a Pukač zasunuŭ u rot nasavuju chustku. Dalej kiroŭca Pukača źniaŭ z Hanhadze remień i pieradaŭ hienierału. Toj nakinuŭ piatlu na šyju žurnalistu i pačaŭ jaho dušyć.
Hieorhij nabraŭ pavietra ŭ lohkija, paśla čaho kiroŭca Pukača nanios jamu niekalki ŭdaraŭ u žyvot, kab toj vypuściŭ pavietra.
Usie hetyja padziei, apisanyja ŭ prysudzie trom milicyjantam, vielmi mała nahadvajuć «eksces vykanaŭcy».
Apošnim svaim chadajnictvam Pukač sprabavaŭ pravieści vočnyja staŭki pamiž im i tryma asudžanymi z prycełam na pierahlad sudovych prysudaŭ pa novych abstavinach. Adnak śledčy admoviŭ.
Toj fakt, što ŭ pieralik artykułaŭ abvinavačańnia Pukača byŭ dadadzieny punkt «Naŭmysnaje zabojstva, ździejśnienaje na zamovu», aznačaje, što śledstva abjavić zamoŭnika złačynstva.
Pytańnie ŭ tym, spyniacca jany na Kraŭčanku ci pojduć dalej.Kali adzinym zamoŭnikam pryznajuć byłoha ministra ŭnutranych spravaŭ, to ŭ raspačynańni spravy suprać jaho budzie admoŭlena ŭ suviazi sa śmierciu (artykuł 6, punkt 8
Praŭda, z pryčyny, što hetaja akaličnaść źjaŭlajecca niereabilitavalnaj, svajaki Kraŭčanki mohuć abskardzić pastanovu śledčaha ŭ sudzie.
Ale
niezaležna ad taho, navažycca prakuratura iści da žyvych zamoŭnikaŭ ci nie, jašče 10 hadoŭ tamu z zapisaŭ Mielničenki kožny moh zrazumieć, što nasamreč adbyłosia z Hieorhijem Hanhadze.
