Zbornik składzieny jurystami arhanizacyi «Pravavaja dapamoha nasielnictvu». Bolš padrabiazna pra knihu raspavioŭ adzin ź jaje stvaralnikaŭ, kiraŭnik «Pravavoj dapamohi nasielnictvu» Aleh Vołčak.
— Pa sutnaści heta pieravydańnie anałahičnaj knihi, jakaja vyjšła niekalki hadoŭ tamu i akazałasia vielmi zapatrabavanaj, — havoryć Aleh Kanstancinavič. — U «Chatnim advakacie» sabrany adkazy na samyja raznastajnyja i raspaŭsiudžanyja jurydyčnyja pytańni: jak pravilna aformić prodaž kvatery, ustupić u prava na spadčynu i h.d. Na vialiki žal, mnohija ludzi ŭ Biełarusi jurydyčna niepiśmiennyja, sutykajučysia ź niejkaj prablemaj, jany nie viedajuć, z čaho pačać, ź jakoha boku da jaje padstupicca. Niezaležnyja jurysty i pravaabaroncy nie ŭ siłach asabista dapamahčy kožnamu. «Chatni advakat» staŭ svajho rodu jurydyčnym dapamožnikam.
Bolšaja častka paŭtaratysiačnaha nakładu «Chatniaha advakata» budzie nakiravana pravaabaroncam u roznyja rehijony Biełarusi, bo jurydyčnaja piśmiennaść ludziej u rehijonach mienšaja, čym u staličnych žycharoŭ. Kniha budzie raspaŭsiudžvacca absalutna biaspłatna ŭsim žadajučym.
Častka nakładu taksama budzie znachodzicca i ŭ redakcyi «Narodnaj Voli».