Zaćvierdžany biudžet prajektu biełaruskamoŭnaj versii Windows
Pry kancy vieraśnia novy aficyjny pradstaŭnik kampanii Microsoft u Biełarusi Andrej Bajuščanka paviedamiŭ ab prajekcie stvareńnia biełaruskamoŭnaj versii Windows. Adkazvajučy na pytańni IT.TUT.BY, jon paviedamiŭ, što pakul havorka viadziecca pra stvareńnie biełaruskaj versii LIP (Language Interface Pack), jakaja budzie pracavać z XP i Vista. Stvareńnie całkam lakalizavanaha praduktu budzie nastupnym krokam.
Pa słovach A. Bajuščanki, na hety momant zroblena hałoŭnaje — zaćvierdžany biudžet prajektu stvareńnia biełaruskaj versii Windows. Jon admoviŭsia nazvać pamier biudžetu, spasłaŭšysia na sakretnaść hetaj infarmacyi.
Na pytańnie, chto budzie zajmacca pierakładam na biełaruskuju movu, sp. Bajuščanka adkazaŭ nastupnaje: «Uvieś prajekt znachodzicca na stadyi padrychtoŭki da realizacyi. Šukajucca jak vykanaŭcy techničnaj častki stvareńnia biełaruskamoŭnaj versii Windows, tak i arhanizacyi, što buduć zajmacca stvareńniem i paćvierdžańniem validnaści słoŭnika». Pakul nie viadoma, chto maje zaniacca pierakładam.
Staršynia Tavarystva biełaruskaj movy Aleh Trusaŭ vykazaŭ hatovaść da supracy z Microsoft: «My dva hady viadziem pieramovy z maskoŭskaj filijaj hetaj kampanii i vielmi dobra, što ciapier u Biełarusi jość svoj pradstaŭnik. My zaŭsiody hatovyja akazać pasłuhi».
Biełaruskamoŭnaja versija Windows musić źjavicca ŭ červieni 2007 h.
