Anatol Sidarevič abapiraŭsia na rehijanalny aktyŭ.
U znak niazhody Anatol Laŭkovič pakidaje pamiaškańnie źjezdu.
Pradprymalnik z Uzdy Viktar Kryval bałatavaŭsia ŭ staršyni.
Miečysłaŭ Hryb (źleva) i Anatol Laŭkovič.
Hienierał Valery Frałoŭ (u akularach) nie znajšoŭ padtrymki adnapartyjcaŭ.
Udzieł u hałasavańni biare vieteran sacyjał-demakrataŭ archieołah Michaś Čarniaŭski.
70 čałaviek sabralisia na źjezd Biełaruskaj sacyjał‑demakratyčnaj partyi (Hramada). Jon prachodziŭ 10 kastryčnika ŭ nievialikim pamiaškańni Siadziby BNF.
Cikava, što napiaredadni schodu ŭ haziecie Administracyi prezidenta «Sovietskaj Biełoruśsii» vyjšła intervju ź dziejsnym staršyniom arhanizacyi Anatolem Laŭkovičam. U hutarcy ź Viačasłavam Orhišam Laŭkovič znoŭ pachvaliŭ siońniašniaha kiraŭnika krainy. Navat ź pieramohaj na vybarach paśpieŭ pavinšavać. Delehaty aktyŭna čytali dadzieny materyjał.
Zrešty, Laŭkovič vyrašyŭ za kresła nie trymacca. Skazaŭ, što bolš bałatavacca na pasadu staršyni. Prapanoŭvali jamu miesca namieśnika, ci chacia b u centralnym kamitecie partyi. Nie, ćviorda adrezaŭ Laŭkovič, budu šarahovym partyjcam.
Na miesca pierajemnika vyłučylisia try kandydaty. Historyk, litaraturaznaŭca, adzin ź vieteranaŭ niezaležnickaha ruchu Anatol Sidarevič, umoŭna kažučy, pradstaŭlaŭ prabiełaruskija siły. A voś hienierał Valery Frałoŭ, chutčej, -- prarasijskija. Dobra pamiatajecca, jak Frałoŭ na paru ź Siarhiejem Skrabcom ładziŭ akcyi na Banhałory ŭ padtrymku sajuzu z Rasijaj. Trecim kandydatam staŭ pradprymalnik z Uzdy Viktar Kryval.
Vioŭ źjezd staršynia Tavarystva biełaruskaj movy Aleh Trusaŭ. Na im byŭ čyrvony halštuk, takoj samaj kolernaj hamy halštuki byli ŭ staršyń minułaha i budučaha.
Pobač z užo viadomymi partyjcami (Miečysłaŭ Hryb, Michaś Čarniaŭski) na źjeździe było dastatkova šmat i moładzi. Pryčym, amal z usich rehijonaŭ.
Vybary staršyni adbyvalisia šlacham tajemnaha hałasavańnia.
Pryčym, hałasavali nie tolki «za» peŭnaha kandydata, ale i «suprać». U vyniku za kandydaturu A. Sidareviča prahałasavali 35 čałaviek (suprać — 33), za Frałova — 10 (suprać — 57), za Kryvala — 7 (suprać — 61).
Takim čynam, Sidarevič nabraŭ roŭna na adzin hołas bolš, čym było patrebna.
Aleh Trusaŭ, vinšujučy sp. Sidareviča z abrańniem na pasadu, zaznačyŭ: «Vinšuju z pryznačeńniem i raju padčas staršynstva zabycca na svoj kiepski charaktar». Trusaŭ zaznačyŭ, što, niahledziačy na svaje piermanientnyja kanflikty ź Sidarevičam, hałasavaŭ za jaho, kab uratavać partyju.
Zdavałasia b, voś i novy staršynia abrany, ale na hetym žarści tolki pačalisia. Laŭkovič uskočyŭ ź miesca i pačaŭ havaryć, što nie pryznaje lehietymnaść źjezdu, bo Sidarevič byŭ vyklučany z partyi. Jon zabraŭ svaje manatki i vylecieŭ z zali, abiacajučy źviarnucca ŭ Minjust.
Zrešty, daloka staršynia były ad Siadziby BNF nie adyšoŭ (mo ŭ kramu schadziŭ). Bo kali abviaścili pierapynak, Laŭkovič razmaŭlaŭ z Hrybam, Trusavym i astatnimi. Tyja ŭhavorvali Laŭkoviča nie zajmacca aby‑čym.
Sam Sidarevič zaznačyŭ, što jahonaja zajava ab vychadzie z partyi nie była zadavolenaja, tamu jahonaje siabroŭstva nie pierapyniałasia.
Sidarevič kaža, što ciapier pierad im staić šmat arhanizacyjnaj pracy. Najpierš, kab naniać ofis dla centralnaj arhanizacyi, paskoryć rehistracyju niekatorym rehijanalnym strukturam.
Novy staršynia zaznačyŭ, što trymacca pasady nie budzie. «Maja sprava — vychavać novaje pakaleńnie. Ja zaŭsiody kazaŭ, što budu apošnim staršyniom, jaki nie razmaŭlaje pa‑anhlijsku», — skazaŭ A.Sidarevič.
Nu i dziela spraviadlivaści skažam, što abnavić partyjnyja šerahi ŭdałosia. Namieśnikami staršyni stali 25‑hadovaja Volha Tyhryckaja i 29‑hadovy Ihar Barysaŭ, a taksama Iryna Vieštard. Pieršym namieśnikam staŭ Ihar Masłoŭski z Bresta.
Što da vybaraŭ, to nijakich zajavaŭ nie prymali. Partyjnaha kandydata niama, jak u 2006 hodzie, tamu kožny pracuje na taho, chto bolš daspadoby.
* * *
U Biełarusi dziejničaje niekalki
Dziejničaje taksama arhkamitet pa stvareńni Biełaruskaj
