U subotu ŭ Biełaruskim domie ŭ Londanie adbyłasia viečaryna, pryśviečanaja pamiaci i tvorčaści vybitnaj biełaruskaj paetki Łarysy Hienijuš. Mierapryjemstva było arhanizavana sumiesna Zhurtavańniem Biełarusaŭ u Vialikaj Brytanii i Anhła-Biełaruskim Tavarystvam.
Siabra Rady BNR Mikoła Pačkajeŭ pračytaŭ dakład, pryśviečany bijahrafii paetki. Z dakładami vystupili brytanskija biełarusaznaŭcy Džym Dynhli i Arnold MakMilin.
Ajciec Siarhiej Stasievič prezentavaŭ fotazdymki i dakumenty, źviazanyja z Łarysaj Hienijuš, jakija zachoŭvajucca ŭ kalekcyi Biełaruskaj biblijateki imia F. Skaryny ŭ Londanie. Łarysa Hienijuš viała aktyŭnaje listavańnie z členami biełaruskaj dyjaspary, mnohija jaje listy i nadrukavanyja "samvydatam" knihi byli sabranyja ŭ Skarynaŭskaj biblijatecy.
Skončyłasia viečaryna čytańniem vieršaŭ Hienijuš. Pradstaŭnica Brytanskaj biblijateki pračytała niekalki vieršaŭ Łarysy Hienijuš u pierakładzie na ŭkrainskuju movu.
Arnold MakMilin, słavist i litaraturaŭnaŭca
Zala pasiedžańniaŭ Biełaruskaha doma ŭ Londanie
Džym Dynhli
Alena Michaluk i a. Alaksandar Nadsan
Vieršy Hienijuš u vykanańni ŭdzielnikaŭ viečaryny
Vieršy Hienijuš u vykanańni ŭdzielnikaŭ viečaryny
