Z 17 listapada pry padtrymcy Ambasady Francyi ŭ Miensku prachodzić retraśpiektyva filmaŭ Eryka Ramera «Hulni spakusaŭ». Eryk Ramer — kłasik francuzskaha kino, adzin z zasnavalnikaŭ «novaj chvali». Filmy Ramera vyłučajucca dalikatnaj skandalnaściu i vytančanymi dyjałohami, jakija nadajuć stužkam niepaŭtorny kinašarm.
Siarod filmaŭ — drama «Maja noč u Mod» pra hieroja, jaki ŭnačy niečakana traplaje ŭ hości da budučaje niaviesty. Mieładrama «Karjera Siuzanny» raskazvaje pra zabłytany luboŭny šmatkutnik Siuzanny, Biertrana, Safi j Daniela. Luboŭnuju błytaninu daśleduje Ramer i ŭ kamiedyi «Siabar majoj siabroŭki». Dźvie dziaŭčynki zavodziać sabie siabroŭ, ale potym pačynajuć błytacca, chto z kim siabruje.
U skandalnaj karcinie «Kalena Kłer» ataše pa kultury mleje, kab dakranucca da kalena małaznajomaj dziaŭčyny. A ŭ redkaj karotkamietražnaj stužcy «Šarłota i jejny stejk» hałoŭnuju rolu syhraŭ metr «novaje chvali» Žan-Luk Hadar.
Filmy demanstrujucca ŭ kinateatry «Pieramoha» i «Centry-videa» na movie aryhinału z ruskimi subtytrami.
