Administrataram unutranaj kamputarnaj sietki «Chimvałakna» prapanavali zvolnicca «pa asabistym žadańni» za pieradrukoŭku navinaŭ ź sieciva na server.
Unutranaja sietka mahiloŭskaha «Chimvałakna» była miescam, dzie karystalniki mahli daviedacca pra naviny svajho pradpryjemstva, pačytać nacyjanalnyja ci suśvietnyja naviny albo prosta daviedacca pra prahnoz nadvorja. Paru dzion tamu na sajcie razam ź dziaržaŭnymi navinami źjavilisia i niekalki artykułaŭ ź niezaležnych sajtaŭ. Adzin ź ich razkazvaŭ pra «roskvit» biełaruskaj vioski. Druhi ž nazyvaŭsia «Za patrabavańnie pravieryć psychičnaje zdaroŭje Łukašenki – 2 hady turmy». I voś za takuju volnaść administrataraŭ zvalniajuć «pa asabistym žadańni».
Nahadajem, što mižnarodnaja arhanizacyja «Reparciory biaź miežaŭ» nazvała Biełaruś adzinym eŭrapiejskim voraham Internetu. Peŭna, kiraŭnictva «Chimvałakna» za nienajaŭnaściu ekanamičnych pośpiechaŭ vyrašyła unieści svoj ŭkład u «raźvićcio svabody słova» ŭ krainie.
Źmicier Myškoŭski, bulletinonline.org
❏
Viaskovuju nastaŭnicu zvolnili z pracy za pohlady
U Kleckim rajonie z farmuloŭkaj «za prahuł» zvolnili maładoha specyjalista, nastaŭnicu anhielskaj dy biełaruskaj movy Inu Kiebikavu. Niezadavolenaść dyrektarki škoły (darečy, žonki zahadčyka Kleckaha rajana) vyklikała toje, što maładaja nastaŭnica nosić suvenirnuju sumku ad Prahramy Kalinoŭskaha.Ina Kiebikava – małady specyjalist, u hetym hodzie skončyła BDU pa specyjalnaści «nastaŭnik biełaruskaj dy anhielskaj movy». Paśla, pa raźmierkavańni, paprasiłasia ŭ Klecki rajon, bo sama z susiedniaj vioski Janovičy. Na pracu ŭ Hrycevickuju škołu, kudy Inu nakiravali z rajonnaha adździeła adukacyi, dziaŭčyna vymušana była dabiracca 12 kilametraŭ na rovary.
Siamja Kiebikavych u rajonie viadomaja svaimi apazycyjnymi pohladami. Ina razam sa svajoj siastroj Tacianaj byli ŭ namiotavym haradku na płoščy. Paśla čaho siastru vyklučyli z BDU, i ciapier jana navučajecca ŭ Polščy pa Prahramie Kalinoŭskaha.
Jak paviedamiŭ karespandentu belngo.info miascovy hramadzki aktyvist Siarhiej Panamaroŭ, dniami vyjšaŭ čarhovy numar demakratyčnaha biuleteniu «Bojki Kleck», adzin z centralnych materyjałaŭ jakoha pryśviečany faktu pieraśledu Iny Kiebikavaj.
Palina Vasilova, belngo.info
