Siońnia, 10 listapada, nacyjanalnaja zbornaja Biełarusi pa chakiei praviadzie pieršy matč pad kiraŭnictvam novaha hałoŭnaha trenera amerykanca Kurta Frejzera, jaki nia tak daŭno zamianiŭ na trenerskim mościku kanadca Chenłana.
A 15:30 pa mienskim časie biełarusy zhulać z datčanam. Matč projdzie ŭ ramkach pieršaha ŭ hetym sezonie turniru «Eŭrapiejskaha chakiejnaha vykliku», jaki projdzie ŭ narveskim Sarpsborzie. Aproč našych suajčyńnikaŭ u Narvehii zhulajuć haspadary turniru, datčanie i palaki.
U vyjazny skład zbornaj trapili tolki hulcy z nacyjanalnaha pieršynstva. Rasiejskija kluby nie zachacieli adpuskać biełarusaŭ u zbornuju ŭ razhar sezonu. Najbolšaje klubnaje pradstaŭnictva maje mienskaje «Dynama», u Narvehiju z hetaj kamandy pajechała až vosiem hulcoŭ. 6 čałaviek pradstaŭlajuć mienski «Kieramin», 3 – mahiloŭskaje «Chimvałakno», 2 – žłobinski «Metalurh», pa 1 – «Homiel» i navapołacki «Chimik-SKA».
Kurt Frejzer zajaviŭ, što na hetym turniry dla jaho pieramoha nie hałoŭnaje, samaje važnaje stvaryć dobrazyčlivuju atmasferu i naładzić niekatoryja kamandnyja źviazki. Pakul što Frejzer zadavoleny miesiacam pracy ź biełaruskaj zbornaj. Cikava, ci zmoža amerykaniec stać takim samym lubimcam hulcoŭ i zaŭziataraŭ, jakim byŭ viesiałun Chenłan?
Pa pieradturnirnych raskładkach zbornaja Biełarusi vyhladaje za biassprečnaha favaryta. Ale pahladzim, jak jano budzie.
Raskład matčaŭ nacyjanalnaj zbornaj Biełarusi na turniry ŭ Sarpsborzie:
10 listapada. Biełaruś – Danija (Pačatak a 15:30).
11 listapada. Biełaruś – Polšča (15:00)
12 listapada. Biełaruś – Narvehija (18: 00)
❏
Biełarusy prajhrali datčanam — 1:2.
Fota eurosport.ru