Usie, chto viedaŭ syna Mulavina, admaŭlajucca paviedamlać padrabiaznaści. Tajamnicaj zastajucca pryčyny i akaličnaści jaho śmierci. Pachavańnie Ŭładzimiera Mulavina-małodšaha prajšło 10 listapada ŭ abstanoŭcy poŭnaj sakretnaści. Pra heta viedali tolki rodnyja i vielmi blizkija jamu ludzi. Jaho znajomyja paŭšeptam kažuć pra tajamničuju śmierć muzyki, pra prablemy, što pieraśledavali jaho apošnim časam. Chavali syna Mulavina ŭ cynkavaj trunie, što śviedčyć pra toje, što sapraŭdy zdaryłasia niešta nadzvyčajnaje. Adnak pra heta nadzvyčajnaje nichto nie kaža.
Kiraŭnik dziaržaŭnaha ansamblu «Pieśniary», dzie Mulavin-małodšy hraŭ u peryjad z 2003 pa kastryčnik 2005 hodu, Viačasłaŭ Šarapaŭ: «U kožnaha jość svaje prablemy. Byli jany i va Ŭładzimiera. Jon vielmi talenavity muzykant, vielmi škada, što ŭ nas u svoj čas nie atrymałasia supracoŭnictva. Mnie vielmi prykra, što tak usio zdaryłasia».
Uładzimier Mulavin – syn ad pieršaha šlubu lidera «Pieśniaroŭ» z artystkaj Lidzijaj Karmalskaj, ciapier užo niabožčycaj. Mulavin-starejšy razyšoŭsia ź joj adrazu paśla naradžeńnia syna. Uładzimiera ŭziali ŭ muzyčnuju škołu pry kanservatoryi, potym jon hraŭ u symfaničnym arkiestry. Ale jość u jaho bijahrafii ciomnaja plamina – na hod i siem miesiacaŭ jon patrapiŭ u turmu. U adnym z svaich interviju Mulavin-małodšy kazaŭ, što abaraniaŭ dziaŭčynu, za toje i trapiŭ. U 2003 hodzie jaho zaprasili ŭ dziaržaŭny ansambl «Pieśniary», dzie jon hraŭ na skrypcy. Ale ŭ kastryčniku 2005 hodu syšoŭ adtul praź nieparazumieńni z astatnimi ŭdzielnikami hrupy.
Fota «Komsomolskaja pravda» v Biełoruśsii»
