Prezydent Biełarusi Alaksandar Łukašenka zajaviŭ na naradzie z uradam, što nastupny hod budzie vielmi ciažkim dla krainy. Na dumku prezydenta, vyjściem ź ciažkaha stanu ŭ suviazi z pavyšeńniem cenaŭ na rasiejskija enerhanośbity moža być pavieličeńnie vytvorčaści i prodaž tavaraŭ za miažoj.
«Heta budzie vielmi ciažki hod, budzie katastrafična ciažka. Nam, kab vyžyć u hetaj ciažkaj sytuacyi i być bahaciejšymi, treba bolš vyrablać i pradavać. A heta najluciejšaja kankurencyja, i my ŭ kahości, hruba kažučy, musim adabrać kavałak chlebu i ŭziać čyjści rynak», – cytuje prezydenta «Interfaks».
«Ja zaklikaju ŭsich – i Šejmana, i Sidorskaha, i Prakapoviča, i Łomacia pracavać u kirunku Venesueły, Iranu, Azerbajdžanu», – zaklikaŭ Alaksandar Łukašenka ŭsich najvyšejšych dziaržaŭnych čynoŭnikaŭ.
Na dumku biełaruskaha prezydenta, hałoŭnaj zadačaj kiraŭnictva Biełarusi napiaredadni 2007 hodu stanie pošuk novych krynicaŭ enerhanośbitaŭ pa-za Rasiejaj.
«Heta treba zrabić, kali my chočam zachavać krainu dla našych dziaciej, suverenitet i niezaležnaść, kab nas kožny dzień, miesiac, kožny hod nia stavili da ścienki, nie ŭkryžoŭvali i nie kryčali: "davaj, płaci za haz i naftu"».
U toj ža čas, A. Łukašenka ŭchvaliŭ uradavyja prajekty prahnozu sacyjalna-ekanamičnaha raźvićcia, biudžetu i asnoŭnych kirunkaŭ hrašova-kredytnaj palityki krainy na 2007 hod.
