Napačatku kiraŭnik Biełarusi zrabiŭ nievialičkuju histaryčnuju reminiscencyju, zhadaŭšy, što biełarusy razam z ukraincami pieramahali ŭ Kulikoŭskaj bitvie, bitvie pad Pałtavaj, Druhoj suśvietnaj vajnie. Pamiž Biełaruśsiu i Ŭkrainaj nie isnuje značnych supiarečnaściaŭ i roznahałośsiaŭ, a našyja krainy ciapier nie žyvuć razam praz ambicyi kučki palitykaŭ, jakija razvalili Saviecki Sajuz.
Łukašenka zrabiŭ kampliment biełaruskaj medycynie, skazaŭ, što ŭ Biełarusi sprabujuć zachavać i nie razburajuć histaryčnyja pomniki, a ŭzvodziać novyja, takija jak Linija Stalina ci Nacyjanalnaja biblijateka.
"Apošnija vybary my falsyfikavali, -- pryznaŭsia jon. -- Za Łukašenku prahałasavała 93 z pałovaj pracenta. Ale, kažuć, heta nie eŭrapiejski pakazčyk. My zrabili 86 %".
Uvohule jon vioŭ hutarku va ŭłaścivaj jamu maniery. Stvarałasia ŭražańnie, što jon zaraz choča vyjści na ŭkrainskuju palityčnuju scenu.
Ź Juščankam adnosiny dobryja
«U nas niekalki niavyrašanych prablemaŭ, ale ich vielmi mała. Tamu ja b nia staŭ dramatyzavać biełaruska-ŭkrainskija adnosiny».
«Kažuć, što Juščanka nie pryjedzie na samit SND ŭ Miensk. Što za hetym staić, nie razumieju? Kali jość prablemy, skažycie, my dapamožam, kab jon pryjechaŭ u svoj rodny horad».
U Zachodniaj Ukrainie taksama žyvuć našy ludzi
«Jak by jana [Ukraina] ni supraciŭlałasia, ale daviadziecca aktyŭna supracoŭničać ź Biełaruśsiu i Rasiejaj. Navat kali jana imkniecca ŭ EZ i NATO». «Ale kali ŭ NATO Ŭkrainie budzie ciaplej, to my nia suprać».
Pa kitajskim prykładzie
Na pytańnie ab pryvatyzacyi Łukašenka raskazaŭ, jak na pačatku jahonaha prezydenctva jamu prapanoŭvali pradać zavod «Biełšyna» za 40 miljonaŭ dalaraŭ, ciapier jon aceńvajecca ŭ zvyš miljarda dalaraŭ i siaredni zarobak na zavodzie składaje kala 500 dalaraŭ. Ekanamičnaja madernizacyja Biełarusi pravodziłasia pa kitajskim prykładzie, jaki Łukašenka vyvučaŭ jašče da svajho prezydenctva.
My stvarali ŭ Sibiry hazavyja radoviščy
«Nia važna, kolki budzie kaštavać haz u Biełarusi, 50 ci 120 dalaraŭ, hałoznaje – kab košty ŭ Biełarusi i Rasiei byli adnolkavymi. Kali nia budzie raŭnapraŭja, to sajuz razvalicca praź niekalki hadoŭ... My, biełarusy i ŭkraincy, stvarali ŭ Sibiry hazavyja i naftavyja radoviščy, ale paśla razvału SSSR ničoha nie atrymali. Tamu dajcie nam mahčymaść zdabyvać toj haz i naftu ŭ Rasiei. Sprava nia ŭ cenach, sprava ŭ adnosinach».
Biełaruś nia rviecca ŭ Suśvietnuju handlovuju arhanizacyju
«Ustupim my tudy ci nia ŭstupim — my ŭsio adno akažamsia tam».
Vy — maleńkija, my – vialikija
Na pytańnie karespandenta «Dnia» pra mahčymaść budaŭnictva sajuznaj dziaržavy z Ukrainaj, Łukašenka adznačyŭ, što «heta budzie nia horšy z varyjantaŭ, bo nia budzie pretenzij: vy maleńkija, my vialikija».
Pra madel raźvićcia
«Ja daloki ad iluzijaŭ, što ŭ nas usio dobra».
Ja pryjšoŭ da ŭłady i pačaŭ kiravać, …iak sapraŭdny baćka siamji
«Maja palityka heta nie palityka intelihiencika, jaki vyjšaŭ ź intelehientnaj siamji, dzie za stałom servirujuć łyžki siudy, videlcy siudy. Ja pryjšoŭ da ŭłady i pačaŭ kiravać, jak umieju. Časam bizunom, časam piernikam, jak sapraŭdny baćka siamji»
U dyktatury jość niešta dobraje
«Ja nie padabajusia šmat kamu na Zachadzie, tamu jany na mianie i abzyvajucca. U dyktatury jość niešta dobraje, tamu my nie kampleksujem praz heta».
Janka Bryl i inšyja piśmieńniki bačyli žyćcio tolki praz movu, a ja nie zacyklivajusia
«Janka Bryl i inšyja piśmieńniki bačyli žyćcio tolki praz movu, movu, movu, a ja nie zacyklivajusia na hetym pytańni. Dla mianie heta nie hałoŭnaje pytańnie. My adradzili svaju rodnuju movu. Pry nacyjanalistach u VNU sačynieńni pisali tolki 15% studentaŭ, pry Łukašenku ciapier takich bolšaść. Aproč movy jość jašče bahata prablemaŭ. Ukrainskaja ž mova adna z maich lubimych, jana vielmi pryhožaja».
La «Makdonaldzu» raniej časta siadzieła babka. Maja słužba achovy sustrełasia ź joj…
«Krutyja inšamarki ŭ nas byvajuć, tolki kali da nas pryjazdžajuć z Rasiei ci Ŭkrainy, ale i ŭ nas źjaŭlajucca «Chamery» i «Bentli». Kali ty chočaš zarabić narmalnyja hrošy, to ŭ Biełarusi heta mahčyma. Što datyčyć biednych, to treba pahladzieć, što heta za biednyja, časam heta zvyčajnyja złačyncy. La «Makdonaldzu» raniej časta siadzieła babka, jakuju ja nia raz bačyŭ. Maja słužba achovy sustrełasia ź joj i pierakanałasia, što jana zusim nia biedny čałaviek. U Miensku ŭžo nie zastałosia bamžoŭ, hadoŭ šeść tamu jašče byli, ciapier niama. U nas niama niedahledžanych dziaciej».
Tavarazvarot padskočyŭ
Sa Złučanymi Štatami tavarazvarot padskočyŭ amal u dva razy, a z Eŭraźviazam u 3 razy za apošnija try hady.
Našto nam adkryvać vytvorčaść «Mersedesaŭ»? U nas svoj «MAZ»
Našto nam adkryvać vytvorčaść «Mersedesaŭ»? U nas svoj «MAZ». Našto nam vytvorčaść «Katerpileraŭ», u nas svoj «BiełAZ».
Biełaruś pa karupcyi zajmaje nia pieršaje miesca
«Pa karupcyi ŭ śviecie pryznajuć, što Biełaruś zajmaje nia pieršaje miesca. Biełaruś — heta nie karumpavanaja dziaržava».
Niekali rasstrelvali prosta na miescy
«Niekali ŭ nas była sapraŭdnaja schvatka. Niekatorych [kryminalnych aŭtarytetaŭ] rasstrelvali prosta na miescy, ciapier tut cišynia i spakoj».
Try kity dziaržaŭnaj idealohii
«Hrošy, ułada, ułasnaść».
Ja pajmienna viedaju ŭsich talenavitych biełaruskich žurnalistaŭ
«U nas krainie bolšaść ŚMI niedziaržaŭnyja, ale samyja mahutnyja, naturalna, dziaržaŭnyja, i my im dapamahajem. Ja pajmienna viedaju ŭsich talenavitych biełaruskich žurnalistaŭ. Ja im vielmi ŭdziačny za padtrymku, jakuju mnie akazvajuć biełaruskija ŚMI».
Kab nie Harbačoŭ, nie było b i Łukašenki
«Da hetaha čałavieka možna stavicca pa roznamu, ale, kab nie Harbačoŭ, nie było b i Łukašenki. Bo prezydent viedaŭ i čuŭ niekali maładoha deputata».
Daj Boh kožnamu prezydentu takuju apazycyju
«Daj Boh kožnamu prezydentu takuju apazycyju, jak u Biełarusi. Samyja ŭdałyja apazycyjanery ŭ Biełarusi – heta tyja, chto ŭciok niekali ad Łukašenki. Apazycyja pavinna być u kožnaj krainie».
My ŭsie pjom
Pra antyalkaholnuju kampaniju: «U nas takoj niama. My ŭsie pjom. Nia mieniej vašaha. Lepš chaj piva vypje čałaviek, čym niejkaj barmatuchi».
Nijak nie mahu zvyknucca, što palityka niaščyraja
«Ja nikoli nia dumaju, što palityka takaja niaščyraja. Ja nijak nie mahu da hetaha zvyknucca».
Čaves
«Heta vielmi tałkovy i adukavany čałaviek, jaki imkniecca stać lideram usioj Łacinskaj Ameryki».
Pierajemnik
«Ja kateharyčna suprać takich rečaŭ, kali vy namiakajecie na maich synoŭ, to heta absurd i hłupstva».
Pra ŭkraincaŭ
«Hety narod nie zasłuhoŭvaje taho stanovišča, u jakim jon apynuŭsia».
Apošnija vybary my falsyfikavali
“Apošnija vybary my falsyfikavali. Za Łukašenku prahałasavała 93 z pałovaj pracenta. Ale, kažuć, heta nie eŭrapiejski pakazčyk. My zrabili 86 %”, – zajaviŭ A.Łukašenka. Pa jaho słovach, z boku Jeŭropy napiaredadni vybaraŭ hučali abiacańni, što ŭ vypadku, kali “budzie prykładna eŭrapiejski pakazčyk na vybarach, vybary buduć pryznanyja”. “Ale taksama nie atrymałasia. Paabiacali, što pryznajuć, ale nie pryznali”.
Epiloh
«Ja nie damahaŭsia škurnych intaresaŭ».
