BATE – PSŽ – 2:2 abnoŭlena 22:02, dadałasia videa 12

U matčy 1/16 finału futbolnaj Lihi Jeŭropy BATE (Barysaŭ) zhulaŭ uničyju z «Pary Sen-Žermenam» — 2:2 (pieršy tajm — 1:1).

Fotarepartaž

Na 16-j chvilinie lik u hulni adkryŭ paśla filihrannaha pasa piatkaj Vitala Radzivonava Renan Bresan. Na 29-j francuzski kłub lik zraŭniaŭ. Vyznačyŭsia Meŭlut Erdzinč (pas — Luinduła). Ź likam 1:1 kamandy i pajšli na pierapynak. Z uvahi na maroz u minus 11 adčuvałasia, što hały jašče buduć. Hulcy biehali pa poli, što bosyja na vohniščy.

***

U pačatku druhoha tajma zdałosia, što francuzy pierałamali chadu hulni, ale padapiečnyja Viktara Hančarenki vytryvali i navat pastupova nie tolki viarnuli parytet, ale i mieli paru šancaŭ vyjści napierad.

Nie sa 100-pracentnych, ale dobrych pazicyj pudłavali Vaładźko i Radzivonaŭ.

Našy vyjšli napierad na 81-j chvilinie. Paśla ŭdaru Vaładźko miač trapiŭ u štanhu, i na dabivańni vydatna zhulaŭ navabraniec BATE Michaił Hardziajčuk, jaki piaćciu chvilinami raniej vyjšaŭ na zamienu.

A praź piać chvilinaŭ biełarusy ledź nie daviali lik da 3:1. Jak pa varotach nie trapiŭ Maksim Skavyš, što vyjšaŭ na zamienu dvuma chvilinami raniej, — zahadka. Na ŭbojnuju pazicyju jaho vyvieŭ Pavieł Niachajčyk, ale Maksim stojačy pa centry varot ź siami mietraŭ nie trapiŭ pa varotach! Škada...

A na 89-j chvilinie spracavaŭ pryncyp «Nie zabivaješ ty — zabivajuć tabie». Kropku ŭ hulni pastaviŭ Luinduła (pas — Makanda) — 2:2.

Hulnia ŭ adkaz projdzie 24 lutaha ŭ Paryžy.

Čamu b nie pastaracca vyjhrać u stalicy Francyi?

Pieramožca sustreniecca ź pieramožcam pary «Bienfika» — «Štuthart» (pieršy matč — 2:1).

***

BATE: Hutar, Šytaŭ, Jurevič, Simič, Vaładźko, Bresan (Hardziajčuk, 75), Niachajčyk, Bardačoŭ, Alachnovič, Rudzik (Lichtarovič, 65), Radzivonaŭ (Skavyš, 83).

PSŽ: Edel, Sieara, Sacho, Kamara, Žuli (Badmier, 68), Luinduła, Erdzinč (Makanda, 83), Nienie (Marys, 63), Šantyła, Kleman, Žale.

Hały: 1:0 - Bresan (16). 1:1 - Erdzinč (30). 2:1 - Hardziajčuk (81). 2:2 - Luinduła (89).

Papiaredžańnie: Kleman (36-ja).

0

0

0

0

0

0

AH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH