Internet-hazieta «Biełorusskije novosti» i jaje vydaviec infarmacyjnaja kampanija BiełaPAN stali łaŭreatami rasijskaj nacyjanalnaj «Premii Runieta-2006» u naminacyi «Runiet za miežami RU».
Uznaharoda prysudžana «za ŭniosak u raźvićcio rasijskaha siehmienta sietki internet». Ušanavańnie pieramožcaŭ adbyłosia 29 listapada ŭ Maskvie, na cyrymoniju byŭ zaprošany kiraŭnik kampanii BiełaPAN Aleś Lipaj.
A dla supracoŭnikaŭ «Biełorusskich novostiej» paviedamleńnie ab tym, što jany atrymali hetuju ŭznaharodu, stała pryjemnym siurpryzam.
«Davoli pryjemna, što nas zaŭvažyli na fonie inšych šmatlikich sajtaŭ. Ja liču, što heta całkam spraviadlivaja ŭznaharoda, – raskazaŭ pra svaje ŭražańni Alaksandr Zajcaŭ, redaktar sajta «Biełorusskije novosti». – Ja pahladzieŭ śpis naminantaŭ, heta nastolki raznastajnyja sajty: i ŚMI, i asabistyja, i inšych informahienctvaŭ. Pryjemna, što pieramahli my.»
Praŭda, pierad nami nie stajała meta «zavajavać» uvahu rasijskich čytačoŭ – u pieršuju čarhu my aryjentujemsia na biełaruskuju aŭdytoryju. Ale, kali ab Biełarusi, padziejach, što ŭ tut adbyvajucca, daviedvajucca z dapamohaj našaha interniet-resursu, taksama vielmi dobra i pačesna», – zaznačyŭ A. Zajcaŭ.
Zasnavalnikam štohadovaha konkursu źjaŭlajecca rasijskaje Fiederalnaje ahienctva pa druku i masavych kamunikacyjach.
Fota Lenta.Ru
