Były staršynia vierchniaj pałaty Nacyjanalnaha schodu akademik Alaksandr Vajtovič zaklikaje Alaksandra Kazulina spynić haładoŭku.
«Razumieju matyvy, jakija prymusili vas pačać hetu akcyju. U krainie ŭstalavana systema dyktatarskaha kiravańnia, rehularna parušajucca zakony i Kanstytucyja krainy, pieraśledujuć hramadzian, jakija majuć śmiełaść vykazvać mierkavańnie pra šlachi raźvićcia krainy, jakoje adroźnivajecca ad mierkavańnia dyktatara, vyniki vybaraŭ falsyfikujuć. Vysoka aceńvaju vašu mužnaść, vašy prafesijnaść i dośvied chutka buduć zapatrabavanyja», -- piša akademik Alaksandra Vajtovič i zaklikaje Alaksandra Kazulina spynić haładoŭku, kab zachavać žyćcio i zdaroŭje dla budučaj baraćby.
Nahadajem, raniej z zaklikam da Kazulina spynić haładoŭku, jakaja praciahvajecca užo 42 dni, źviarnulisia lidery apazycyjnych partyj.
