Z takoj zajavaj u etery radyjostancyi «Echo Moskvy» vystupiŭ siońnia, 6 śniežnia, aficyjny pradstaŭnik Hazpromu Siarhiej Kupryjanaŭ.
Asnoŭnaja stratehija kampanii ŭ dačynieńni da najbližejšych susiedziaŭ Rasiei – ŭraŭniać ceny na haz z eŭrapiejskimi, zajaviŭ jon.
Pry hetym Siarhiej Kupryjanaŭ adznačyŭ, što zachoŭvać adzinuju ekanamičnuju prastoru varta nie canoj na haz. Tym nia mienš, rasiejskaje paliva ŭ najbližejšy čas dla najbližejšych susiedziaŭ Rasiei budzie kaštavać nie adnolkava.
Samym tannym budzie haz dla Armienii – 110$ za tysiaču kubametraŭ. Dla Ukrainy - 130$. Pry hetym aficyjny pradstaŭnik Hazpromu abnadzieiŭ, što ŭ nastupnym hodzie studzieńskaha kryzysu nie paŭtorycca.
Ź Biełaruśsiu, Hruzijaj i Małdova damoŭlenaściaŭ pakul niama, ale jasna, što ceny padvysiacca. Miarkujecca, što Miensk budzie kuplać błakitnaje paliva za 200$ za tysiaču kuboŭ.
Hruzii Hazprom hatovy pradavać haz za bolš čym 200 dalaraŭ, adznačyŭšy, što heta ŭdvaja bolej, čym ciapier. U cełym Siarhiej Kupryjanaŭ pryznaŭ, što azprom pravodzić žorstkuju palityku, ale i krainy-imparciery svaje abaviazki vykonvajuć