Śpis biełaruskich čynoŭnikaŭ, jakim zabaronieny ŭjezd na terytoryju ES, papoŭniŭsia 19 proźviščami. Ciapier u im 175 čałaviek.
22 sakavika na sajcie Aficyjnaha časopisa ES apublikavanyja imiony novych nieŭjaznych. Heta ŭ asnoŭnym sudździ i prakurory, jakija ŭdzielničali ŭ sudovych pracesach nad pratestoŭcami 19 śniežnia, a taksama rektary biełaruskich VNU, adkaznyja za vyklučeńni studentaŭ pa palityčnych matyvach.
U śpis uklučanyja:
Hajdukievič Valeryj Uładzimiravič — kamandujučy ŭnutranymi vojskami, namieśnik ministra ŭnutranych spravaŭ;
Hurejeŭ Siarhiej Viktaravič — namieśnik ministra ŭnutranych spravaŭ, načalnik papiaredniaha rasśledavańnia MUS;
Kačanaŭ Uładzimir Uładzimiravič — savietnik ministra justycyi;
Badak Ała Mikałajeŭna — namieśnik ministra justycyi;
Simanaŭ Alaksandr Anatoljevič — namieśnik ministra justycyi;
Tušynski Ihar Hieraninavič — namieśnik ministra justycyi;
Skurat Viktar — načalnik Minskaha haradskoha ŭpraŭleńnia departamienta achovy MUS;
Ivanoŭ Siarhiej — namieśnik načalnika adździeła kamplektavańnia ŭpraŭleńnia ideałahičnaj raboty i kadravaha zabiaśpiečańnia HUUS Minharvykankama;
Kadzin Raman — kamandzir roty bajavoha i techničnaha zabiaśpiečańnia Pałka milicyi śpiecyjalnaha pryznačeńnia HUUS Minharvykankama;
Komar Volha — sudździa suda Frunzienskaha rajona Minska (sprava Vasila Parfiankova)
Zaharoŭski Anton — prakuror suda Frunzienskaha rajona (sprava Vasila Parfiankova);
Čarkas Taćciana Stanisłavaŭna — sudździa suda Frunzienskaha rajona Minska (spravy Alaksandra Atroščankava, Alaksandra Małčanava i Dźmitryja Novika);
Maładcova Taćciana — prakuror Frunzienskaha rajona Minska (spravy Alaksandra Atroščankava, Alaksandra Małčanava i Dźmitryja Novika);
Labiedzik Michaił Piatrovič — pieršy namieśnik hałoŭnaha redaktara haziety «Savieckaja Biełaruś»;
Padhajski Hienadź Danatavič — dyrektar Minskaha dziaržaŭnaha politechničnaha kaledža;
Kucharčyk Piotr Dźmitryjevič — rektar Biełaruskaha dziaržaŭnaha piedahahičnaha ŭniviersiteta;
Batura Michaił Paŭłavič — rektar Biełaruskaha dziaržaŭnaha ŭniviersiteta infarmatyki i radyjoelektroniki;
Časnoŭski Miečysłaŭ Edvardavič — rektar Bresckaha dziaržaŭnaha ŭniviersiteta imia Puškina;
Ałpiejeva Tamara Michajłaŭna — rektar Mižnarodnaha
Śpis sa 157 biełaruskich čynoŭnikaŭ, adkaznych za parušeńni pravoŭ čałavieka padčas prezidenckaj kampanii, byŭ zaćvierdžany Radaj ES 31 studzienia.
Rada ministraŭ zamiežnych spravaŭ krain ES pryniała rašeńnie pašyryć śpis achoplenych sankcyjami hramadzian Biełarusi padčas pasiedžańnia ŭ Bruseli 21 sakavika — «u suviazi z paharšeńniem u Biełarusi situacyi z pravami čałavieka».
«My asudžajem zatrymańni, sudy i prysudy pa palityčnych matyvach u dačynieńni da pradstaŭnikoŭ niaŭradavych arhanizacyj i lidaraŭ apazicyi, — paviedamiła viarchoŭny pradstaŭnik ES pa zamiežnych spravach i palitycy biaśpieki Ketryn Eštan. — Jany musiać być nieadkładna vyzvalenyja».
