U niadzielu, 10 śniežnia, na Kastryčnickaj płoščy ŭ Miensku prajšła akcyja salidarnaści z Alaksandram Kazulinym, što 52-hi dzień trymaje haładoŭku ŭ viciebskaj kalonii. Taksama nahadajem, što siońnia adznačajucca 58-ja ŭhodki pryniaćcia Suśvietnaj deklaracyi ab pravach čałavieka.
Akcyja sabrała kala 100 čałaviek. Spačatku ludzi źbiralisia kupkami, trymajučy ŭ rukach partrety Alaksandra Kazulina. Moładź pryjšła z partretami Źmitra Daškieviča. Prykładna a 14-j hadzinie ŭdzielniki akcyi pasprabavali vystraicca ŭ lancuh, jaki amal adrazu byŭ razahnany AMONam. Ludzi vyciaśnialisia ŭ bok Placu Voli.
Zatrymanyja 22 čałavieki, u tym liku pravaabaroncy Aleś Bialacki i Valancin Stefanovič, staršynia Abjadnanaj hramadzianskaj partyi Anatol Labiedźka, siabra AHP Valancina Palevikova. Zatrymany taksama siabra niezarehistravanaj arhanizacyi “Małady front” Źmicier Chviedaruk.
Paśla ŭdzielniki akcyi niekalki razoŭ adnaŭlali lancuh, ale štoraz vyciaśnialisia AMONam z Płoščy.
